ارحموا ضعف امهاتكم

السلام عليكم ورحمة الله وبركاته
الله يجزاها خير اختي ضحكة سرور على موضوعها الرائع ......بصراحه استوقفني عنوان الموضوع ارحموا امهاتكم نعم نصيحه الام الكبيره اللي على خطأ يعتبر من الرحمه بها والموضوع تكلمتوا فيه وجزاكم الله خير ماقصرتوا
اللي ابغى اوصله لكم انه ايضا من رحمة الام الكبيره اللي كبر سنها ووهن عظمها وضعفت صحتها وجتها الامراض وتبغى احد يعتني بها واذا ببنتها الشابه اذا ولدت جت عندها وقت النفاس علشان امها تخدمها وتطبخ لها اكل نفاس
كنت في رمضان متنومه في المستشفى وشفت بنات صحتهن كويسه جايبه امها الكبيره معها وقت الولاده ترافق معها
الام تحزن يبغى هي لها من يرحمها ويخدمها
نومها تلخبط ماهي قادره تنام في المستشفى
وكل ماغفت قليل قامت البنت تنادي امي جيبي لي كذه وسوي لي كذه وتقوم الام وهي ترتعش وتسوي اللي البنت طلبته منها 💔💔
ناهيك ماتسحرت ولانامت ولا ارتاحت كلها علشان بنتها
وبرضه تشوفين القلق والتوتر عليها اذا شافت بنتها تتألم ليش كذه يابنات ليش ماترحمون امهاتكم
واكتموا تعبكم واوجاعكم لانها خلاص في اخر عمرها ماعاد تستحمل زي فترة شبابها
دايم خلوها تشوفكم انكم بخير
ااروح ازور النفاس القى امها مرهقها تعبانه والبنت صحتها زينه جالسه على السرير مع ان اللي يستحق يرتاح على السرير هي الام الكبيره