ارملة وعندي ولد

السلام عليكم
انا عمري ٢٢ وارملة وعندي ولد الله يحفظه
انخطبت مرتين لكن رفضت واهلي زعلو شوي
انا ابداً خلاص ما افكر بالزواج نهائياً
الحمدلله حصلت على ثمرة من زواجي الي هي ولدي الله يخليه لي ورغبتي بالزواج كانت فقط من اجل الذرية
واثناء زواجي كنت ادرس وتخرجت الحمدلله وبمعدل جدا ممتاز
والحين صرت افكر اكمل دراسات عُليا و ان شاء الله بعدها تجيني الوظيفة واقوم بنفسي وامي وابوي وولدي الله يحفظهم
بس ابوي و امي معارضيني بهالفكرة يقولون انتي صغيرة وحرام تضيعين شبابك الحين بيجونك خطاب بس بتجي فترة ما عاد بيجيك احد
انا لو ما عندي ولدي بيكون فكرت بالزواج مره ثانية بس خلاص الحمدلله عندي ولد ويكفيني عن هالدنيا وما فيها الله يحميه ويرزقني بره
انا خلاص مالي رغبه بالزواج مره ثانية
تأيدون فكرتي في ان اتوظف واشوف حياتي مع ولدي وامي وابوي ولا الحقيقة بيجي يوم واندم بعد ما فات الفوت ؟!