اريد مشورة جزاكم الله خير/ صورة بنت اختي .معدل

السلام عليكم ورحمة الله وبركاته
اقص عليكم المشكلة
بنت أختي الله يهديها تصورت بالجوال هي وصديقتها بس عيونهم باينه فقط وهذي الصورة من زمان من ايام المتوسط بنت اختي قالت لصديقتها أمسحي الصورة وقالت لها بمسحها ومرت فترة حوالي سنتان على هذا الكلام
الان هم بالثانوية ومعهم بلاك بيري بنت اختي وصديقتها والقروب حقهم مجموعة من الصديقات وبنات العم وبنات الخال
المشكلة الصديقة هذي بعثت الصورة على البلاك وكتبت ما احلل اخذ الصورة ووصلت للقروب على بالها ان القروب ثقة
بعض البنات اللي في القروب بنات عم بنت اختي عرفوهم والمفروض في كل مرة يمسحوا لان كثير منهم يرسلو صور لبعض ويمسحو والمرة هذا لا اخذوا عليهم نقطة بنات عمها وعملوا لها مشكلة وخلوا اولاد عمها يشوفوا الصورة وكانوا مصرين انو يقولوا لاخوانها علمت بالمشكلة واتصلت على واحد من اولاد عمها وفهمته القصة وان الصديقة هاذي غلطت واعترفت بغلطتها وانوالمفروض ان اخواتك ما وروك الصورة المفروض قروب البنات بس كيف وصلت لك المهم هديته وان ما يوصل الكلام لاخوانها وانتهى الموضوع بيني وبينه هنا
اللي حصل ان فيه بنات بالقروب حقدات عليها وخاصة بنت عمها الكبيرة وبنات خالتها حفظوا الصورة وحتى صديقتها اللي ارسلت الصورة تحاول تتدارك الامر وقالت لهم ان بنت اختي ما لها ذنب انا اللي بعثت الصورة وانا اللي غلطانه واني ورطة زميلتي ووضحت الامر بس ما في فايدة وبنت اختي حتى واجهت البنات اللي بالقروب وقالت لهم امسحوا الصورة لكن للاسف
هل تنصحوني اني اذهب لبنات عمها وامهم واوضح لهم الصورة مع اني وضحتها لاخوهم مع العلم اني بعد ما حليت المشكلة وكلمت ولد عمها وضحت الصورة لاختي اللي هي امها وزعلت مني ليه ما علمتها من اول قلت لها البنت خايفة منك ومن ابوها واخوانها
1- الصديقة غلطانه بانها ما مسحت الصورة وايضا غلطانه بانها بعثت الصورة
2- بنت اختي غلطانه بانها تصورت معها وانا كثير نصحتها واحس ان الصديقة ورطتها
3- وش اسوي مع اني حليت المشكلة بس في حقد دفين من بنات العم
4 - حسبي الله ونعم الوكيل