ازواجنا يزعلونا ونجيء حنا نراضيهم وهم الغلطانين

جبتي المفيد في كلامك 
ان اغلب الحريم يقدسون الرجل 

وعندهم انه شي عظيم ووجب رضاه في الغلط والصح 
ووضع الممبررات له 

جربي لما يزعلك تسحبي عليه 
وتونسي نفسك ولا تسألي عنه 

ولا تفكري لحظة وحدة في متى يجيك يعتذر عادي عيشي يومك 
وانبسطي 
وشوفي بعدين النتيجة المذهلة 
انه يجييييك يعتذر ويتودد


والله اذكر مرة  زوجي عصب وصرخ علي من دون سبب 

وسكت عنه وطنشته تقريباً اربع ايام وما اعطيه وجه  ابداً ولا اتكلم معه ولا اجلس معه 

وكنت اول مرة اسويها في العادة احاول احل المشكلة في وقتها بس ما كنت استفيد 
بس لما طنشته ولا عطيته اهتمام 

وفي اليوم الخامس جاني يعتذر ويتودد 
يقول ما توقعتك كذا تطنشيني 

واشوفك ابداً مو مهتمة ومبسوطة خخخخخ 

اجل يبغيني ابكي واهم نفسي عشانه 

ايه والله ذبحنا اعمارنا ومادرو عنا

اقول يمكن علشان المراه عااااطفيه مره عكس الرجل:smheart:

والله حبيت موضوعك هذا لان اتفق معك فيه وعطتيني فرصة اقول
الي عندي لان فعلا زيك منقهرة من هالوضع

صحيح كنت افكر وش الي يخليهم لا مبالين ؟ وجا ببالي كذا حاجة
لما يكون نكد عادي يعني خناقة بسيطة مع الزوجة فالرجل يحب يهرب
من هالنكد والجو اليي يخليه مستمر متنكد واقرب شي يهرب له = نشاطاته اليومية وشلته وكل شي
لكن حنا نعيش جو النكد ما نقدر نهرب منه الا اذا تكلمنا وطلعنا الي بخاطرنا
لكن المشكلة من يسمعنا لو تكلمنا ؟ ومن يتفهم موقفنا دايما ؟
فلان مو دايم متوفر شخص يسمع تلاقين البنت تظل متضايقة كانه حمل على صدرها
تنتظر من يشيله عنها ..

شي ثاني ، لاحظت الرجال وقت الزعل القوي الكبير اخس ما يشوف علاقته مع زوجته
ومستقبلها اخر هم عنده اهم شي يرد اعتباره يعني تخانقتي معه يرد عليك اول باول ما يهمه
رده وكلامه يحطمك ولا يخرب علاقتكم ما يهمه اهم شي يرد اعتباره
بينما حنا البنات على اننا عاطفيات بس ما نرد بكلمة قوية او غلط ليش ؟
لان نخاف من تاثيرها المستقبلي وهذا عين العقل

مع ذلك حنا الي ناكلها على روسنا ما نرد نبي نحافظ على الاحترام
ونجلس متضايقين لاننا مادافعنا عن انفسنا وننتظر الرجل يصحح غلطته او شي
ويجيك الرجل ما يقدر لك هالشي ولا يراضيك ولا يطيب خاطرك
فتحسين بالغبنة صح

الوضع المثالي والشي الي فعلا تفرضه علي طبيعتي
ان لو غلط علي زوجي غلط سهل وعادي خلاص اترك له المكان ولا ارد

لكن لو غلط سب او قلة حيا زي (كلبة - حمارة - يلعن اصلك ) برد
عليه بنفس الرد واطلع اخلي له المكان واعيش حياتي

هنا بيكون خاطري برد ومرتاحة لاني دافعت عن نفسي ورديت اعتباري
وبالتالي سهل جدا اعيش حياتي وقت زعلنا

لكن لو سويت سواة بنات حواء خليته يسوي لي محاضرة اهانات وسب
شي طبيعي ما راح اقدر اعيش حياتي ابدا لان مافي انسان بالدنيا كلها
يقدر يعيش بشكل طبيعي وكرمته مهانة

مافيه
مافيه
مافيه


تسمعووون يا بعض الناس؟

الله يسعدكم برجع لكم 

اها الله يصبرنا بس