اسئله للطبيبات وذوات الخبرة ارجوكم جاوبوني

السلام عليكم ورحمة الله وبركاته

ادعو من الله ان يسهل ولادة جميع الي ماولدوا بإذن الله

عندي عدة اسئلة اتمنى ان القى الاجابه عليها سواء من الأعضاء أو الطبيبات

وهي اتوقع تدور في راس كل بكر مثلي

انا الحين بالنفاس

وعندي مشاكل كثيره مع الرضاعه

1- طفلي مايرضع زين من صدري واجلس احيانا ساعه وربع وانا وياه لكن مايشبع زين مادري ليه ( يبكي وهو يرضع - ماينام بعد الرضعه زين - يمسك حلمة الصدر شوي ويطلقها كثير )
الصراحه المشكله هذي مسببه لي قلق شكيت ان نسبة ادرار الحليب قليله لكن الي اشوفه انه ينزل حليب , ولما اشفط بالشفاطه يطلع تقريبا حوالي الرقمين .
اخر شئ قررت اعطيه رضعه وحده صناعي عند وقت النوم , وفعلا لاحظت المسكين ينام بعدها زين ويشبع . لكن ماقدر اعطيه دائم صناعي ابغاه يرضع من صدري .
مادري وش الحل مع مشكلتي هذي ؟؟ وهل هي فعلا نقص بالحليب ؟؟ هل تنصحوني اني اكل حبوب ادرار الحليب ( مع اني متخوفه منها ) وانا في النفاس ؟؟ ووشو نوع هذي الحبوب لو هذي هي النصيحه ؟

2- هل شفط حليب الام بالشفاطه يؤدي إلى إيقاف أو التقليل ادرار الحليب لدى الام ؟

3- متى ينصح بتناول حبوب منع الحمل بعد النفاس ؟؟ وهل تؤثر على الطفل اذا كان يرضع من صدر امه ؟؟ وهل تقلل من ادرار الحليب بالنسبه للام ؟؟

4- متى ينصح بالجماع بعد النفاس ؟؟ مباشره ؟؟ ام يجب الإنتظار مدة معينة ؟؟

5- هل ينصح بإعطاء أغذيه اخرى للطفل الرضيع غير الحليب ؟؟ وماهي ؟؟

ارجو منكم الاجابه

وجزاكم الله خير