اسالكم بالله لاتبخلون علينا بالاستشاره

طيب عزيزتي هما سألوا عليه زين ؟؟
الدين والاخلاق أساسية ...
وسبب زواجه الثالث ليش؟
والحالة المادية مهمة جدا في هذي الحالة
لانه بيكون فاتح 3 بيوت
الله يعنيها لازم تفكر في كل التفاصيل
ومن حقها انها تحط شروط
تضمن راحتها وسعادتها
منها سكن مستقل وتوفير مصروف مناسب
مو عشان شئ
بس السكن مع الضرة وخصوصا اكثر من وحدة صعب
واكيد كل وحدة منهم لها عيال ومصاريفهم كثيرة

اهم شئ قناعتها الشخصية انها بتكون الثالثة
واحتمال انه بعد كم سنة يتزوج عليها رابعة
لاني اتوقع انه معدد
وهذا موعيب بس اهم شئ يكون عادل
اذا سألوا كيف يعامل زوجاته راح تحدد قرارها..

الله يوفقها ويسهل لها

تستخير

تستخير الله ..واذا ارتاحت توافق من غير تردد ..
انت قلتي عمرها 35 يعني ماهي صغيره واعتقد ما راح تجيها فرصه افضل من كذا وصدقيني اعتقد هي الثالثه افضل من ان تكون الثانيه لأن حريمه يكونوا متعودين من قبلها على التعداد ..
ياربي يوفقها

الله يختار لها الخير والصلاح..

اولا تستخير و مع الاستخارة السؤال عنه
و هو متزوج ثنتين يعني الدعوة خاربة ما راح تكون
دخيلة على وحده
و الله يكتب لها الي فيه خير و صالح