استحمدوا لي بسلامتي وسلامه ولدي

بسم الله الرحمن الرحيم ,,,,


يابنات أمس حصل شيء وكنت أنا وولدي راح نتضرر بس ربي هو الحافظ

ومدري اللي حصل يدل على عين أو لا بقول لكم السالفة من البداية



ولدي صار له شهرين مريض ماهو راضي يشفى ووزنه نزل وأحس حتى حجمه صغر

ولايرضى يفتح فمه للأكل ابدا وهو عمره 9 شهور ودمه نازل مررررره وحتى وهو نايم يون ويصدر أصوات

والصراحة كنت مهمله التحصين ولا اقرأ عليه المعوذات


أمس جهزت أغراضه علشان بنومه وبنام ومن ضمن الأغراض ترمس المويه

المهم وأنا أنومه قريت عليه المعوذات والله بس خلصت اسمع صوت انفجار قوي بقى يوقف قلبي

وولدي فز من الخرعه وصاح بقوووة وأمي جت تركض مخترعه تبي تشوف وش صاير


تخيلوا والله بس خلصت من المعوذات على طول انفجر ترمس المويه والغطى طار بمكان وتفكك

والمويه اللي كانت فيه مغليه توها وكنت جنب الترمس بس ربي حفظني أنا وولدي ولا صار لنا شيء


ومنها والله جلست أرجف فترة طويلة



انتبهوا يابنات من ترمس المويه لاتحطونه جنبكم



أصيلة المجد