استشارة بموضوع شغالتي الفلبينية؟؟

السلام عليكم ورحمة الله وبركاته
أبغى استشارة منكم يالغاليات قال الله اني اغير واجيب شغالة فلبينية قلت احسن من الاندنوسيات اللي بهذلوني وجابو لي الضغط
المهم الحين الشغالة مالها أسبوعين عندي والحين جاية تتشكى لي وتقول عظامي كلها توجعني وبطني وصدري ووديناها للمستوصف وقال الدكتور مافيها شي المهم عطاها علاجات تعرفون مستوصف خاص
بعدين الاخت نامت وسوت نفسها تعبانة بعدين نادتني وعطتني عقد مدري من وين جاء مكتوب فيه أنه إذا كانت تعبانة لها اجازة 15 يوم ومتلحفة ومنسدحة المشكلة الدكتور يقول مافيها شي
اخاف أرجعها للمكتب وتعرفون حركات المكاتب يقولها اجلسي 3شهور بعدين سوي اللي تبغينه واكون انا الخسرانة
وش الحل معها؟؟؟والله كرهت الشغالات من قلب
واللي تقول استغني عنهم انا مريضة طول اليوم تجيني دوخة وصداع قوي هذا السبب اللي مصبرني عنهم
ملاحظة..
ماعندها شغل كثير واغلب وقتها جالسة لاشغلة ولامشغلة والساعة 8وهي نايمة والساعة 7الصباح تقوم
الله يسعدها ويجزاها خير اللي تلحقني بالحل