استشاره اتزوج ولا انتظر حكم المحكمه؟

والله محتاره وياليت تساعدوني في اتخاذ القرار الصحيح والي عندها تجربه مشابهه تفيدني. .
انا مطلقه لي كم سنه وعندي عيال بعد الطلاق تركهم ابوهم ببيت اهله عند امه وابوه واللحين هو متزوج وعايش في بيت مستقل قريب من مقر عمله مع انه يبعد عن سكن اهله يمكن ميتين كيلو ومايشوف عياله الا نادرا ممكن بالشهر مره او مرتيني وانا بمدينه ثانيه طبعا حاولت اني احصل على حظانتهم بدون محاكم لاني اعرف ابوهم مايبي مسؤوليتهم ودخلت الاهل والاقارب لكن للاسف رفض يتفاهم هو واهله مع اي طرف ورفض ياخذ عياله معاه اظطريت اروح المحكمه وارفع قظية حظانه لكن للاسف المحاكم هاذي ماتاخذي منها لاحق ولا باطل لي تقريب سنتين وكل 3 او 4 اشهر جلسه بس الاخ مايحظر والقاضي لاحكم غيابيا ولا جابوه بالقوه كل جلسه يقولي مافي جديد اقله المسأله واظحه والحكم واظح ياشيخ ابوهم مايبي يربيهم وهم اللحين عايشين لا ام ولا اب وانا ماراح اتزوج وبتفرغ لتربية عيالي لكن حسبي الله عليه وعلى امثاله ماعطاني امل بالمره..المهم اللحين تقدم لي شخص يسكن قريب من منطقة ابنائي ومتعهد يوديني لزيارتهم باستمرار وموافق ان ولدي الصغير يعيش معايه. . والوالد يبيني اوافق مع اني احس نهائيا مالي رغبه بالزواج بس طمعانه في قرب عيالي لاني عانيت نفسيا فتره طويله انحرمت منهم وحلو اني اكون قريبه منهم واشوفهم باستمرار..لكن اخاف لو وافقت اخسر قظية الحظانه واخاف لو وافقت ابوهم يمنعني منهم واكون خسرت كل شي.