استشاره الله يجزاها خير الي تجاوبني باخلاص

استشاره الله يجزاها خير الي تجاوبني باخلاص وبذمه وضمير اما الي بتجاوب بدون ذمه انا ما اسامحها وحسيبي الله عليها لان الموضوع مصيري وبجمع اكبر عدد من الاستشاره عشان ما اندم

انا متزوجه من اربع سنوات وام لطفلين

متزوجه انسان معاملته سيئه جدا جدا مدت اليد والطرد من البيت سهله عنده

انا ساكنه فوق اهله بدور مصروق البيت بيت ابوهم ورث اخواته متسلطات ووحده منهم مطلقه وقاعد عند امها ما كانها مطلقه هي الي تامر وتنهى بالبيت وكل ما جيت اسلم على خالتي تقعد تنتقدني خاصه عند عيالي اني ما اهتم فيهم واخوها يسمع واذا رقينا فوق سوي لي مشكله كبيره على كلامها وكل مشاكلنا عشان ليش ما رديتي عليها فلانه ليش علانتانه ما سلمتي عليها .........الخ كلها مواقف سخيفه يبوني اوجبهم واعبدهم عباده وهم لو ما وجبوني ياويلك تتكلمين واذا سبيتهم او قلت له انت تسمع كلام حريم تكبر السالفه وتوصل للطرد والضرب ويكلم اهلي ويقولهم تفاصيل التفاصيل الى سوالف الفراش تنقال ويكذب عشان يصير كل شي من صالحه

الفلوس من اول زواجنا وهو يحاول يخليني اصرف معاه على البيت والعيال ويحاول ويحاول مره بالطيب ومره بالقوه مع انه كريييييييييييييييييييييم جدا مع خواته وبناتهم وراتبه يكفينا وزياده لاكن الحمد الله قويته لاكن بحرووووووووووووب ومشاكل وضرب ومو مقتنع ابد انه من حقي الشرعي انه يمشي لي مصروف يقول حقك بس الاكل والكسوه يصرف لاكن بالمشاكل والحروب والغثا

ما يحب لا السفر ولا التمشيات ابد والسفر للخارج مستحيللللللللل حتى شهر عسل ماسافرنا برا لا تهملون هالنقطه لانها مهمه عندي كل مجتمعنا ما يعترف الاباوربا وامريكا وانا اشحذه سيريلانكا واقوله انا بعطيك من هدايا النفاس بس خلنا نغير جو ورااااااااااااافض

احس فيه لاعانه وعناد يعني اذا عرف اني ابي هالشي حرمني منه يعني اذا الحيت بالطلعات صك علينا بالاشهر

اول سنه زواج كان يشتغل بنفس الديره الي فيها اهلي واهله وبعدها نقل لمدينه بعيده وحاطني عند اهلي معلقه سنتين ونص بس يمر على بعد شهر او شهرين عشان ينام معي فهمتو وش اقصد وبعدهايفتعل مشكله ويطردني من البيت وكل مشاكلنا تخص خواته ورافض ياخذني انا وولدي معاه بحجة اني ما ابي تسوين لي مشاكل يكفيني هم الشغل

الحين قبل 4 شهور تكرم الاخ وجابنا معاه وابعدنا عن خواته لاكن المشكله الاكبر فيني انا صرت ما اتحمل منه ولااااااااااا شعره اي خطا منه انفجر صرت اتلفظ عليه واتفل بوجهه مثل ما كان يسوي لي ياعالم غصب غصب عني اي خطاء صغير منه ارجع اماضي وارجع مشاكل خواته لاكن ما صار هو يفتعل مشاكل لاكن المعامله السئه مثل الالفاظ+رفعة الصوت+اي شي مني ما يبيه وينتقده يعني ان طبخت طبخي موب زين ان تقربت له بالفراش فراشك موب زين ان اهديت له ما يتقبل هديتي انا قعدت معه اسولف من زين سوالفك كل شي مني سيئ+اللعانه يعني الي تبينه انا بسوي عكسه الحيت بالطلعات صك علينا شهرين وهو قبل يطلع مع اخوياه ؟!!!!!!



المهم قبل 3 اسابيع صارت مشكله بيننا ورحت وديته للشرطه لانه مد يده علي ودايم يمد يده وبعدها قال خلينا نفتح صفحه جديده وبعدها طلعنا نتمشى وسافر فيني لمكه وجده وفي البدايه كنت انا اهاوشه طول الطريق لاني سالته عن شي وزقرني فا انفجرت عليه ماني متحملته يا عالم وقلت له اذا خلصت عمره استخير بالطلاق وقالي انا جايبك هنا عشان نفتح صفحه جديده ونتذكر ايام شهرالعسل وبعدها زانت نفسياتنا واستمتعنا لاكن طلبت منه فلوس بجده وعطاني مبلغ بسيط وقالي اصرفي من عندك واعطيك اذا جينا وبديت اشتري على راحتي من فلوسي وشريت له بلوزتين هديه من فلوسي يوم رجعنا لديرتنا شانت نفسيتي لاني شريت البلوزه بسعر غالي ومن فلوسي ولا حتى ناظرها وغير كذا ليش تقولي اصرفي من جيبك وبعطيك وبالنهايه ما عطاني شي


قامت الدنيا عنده قال انتي ما فيك فايده سفرتك ابي افتح صفحه جديده انت طاااااااااالق وانا لي اربع شهور بعيد عن خواتي ومع ذالك المشاكل لازالت موجوده وترجعينا لهم لاني دايم اقوله انت تكرهمي لاني ما خشيت مزاج خواتك لو انهم حبوني كا ن صرت خاتم باصبعي

انا الحين محتاره هل اجلس واحسن له عشان ينصلح حالي معاه ولا اروح لاهلي واقط البزران عليه يمكن لعل وعسى يتادب
الشي الثاني ان الشغاله وحده من جيراني تقولي ابشتريها منك انا ما ابيها تكون مع البزران عند اهله لانها بتشيل مسؤلية البزران عنهم ولا راح يتضايقون منهم هل ابيعها على جارتي واقول انها انحاشت
ولا اعطيها ايها اقول وديها لامي بديرتي لانها بتسافر واقول لزوجي انها انحاشت عشان ارمي البزران عند اهله كا وسيلة ضغط عشان يتأدب....غير كذا خايفه تكون جارتي قليلة خاتمه وتاخذها ما لي الا شهرين مصادقتها لاكن ما شفت منها الا كل خير


انا فيني عيوب وهي رفعت الصوت وهو اذا رفعت صوتي ظربني عجزت اظبط صوتي اذا عصبت
بااااااااااااااارده وهو دايم متضايق من برودي
الفتره الاخيره الثلاث شهور بديت اتلفظ عليه اتفل بوجهه واحيانا امد يدي عليه
اذا سوى لي اي شي اشكره بوقتها لاكن اذا تهاوشنا قلت ما شفت منك يوم حلو
مع خواته دااااااااااااااايم ساكته عشان ما اتعرض لمشاكل ومن قبل سنتين وانا منقطعه عن دوريتهم ابي ابعد عن المشاكل لاكن ما فيه فايده وغير كذا صرت ما اطيق اشوف خواته انزل لامه لحالها الصباح وانا كويسه مع امه لاكن مو عاجبه وخواته انزل لها باليل لاكن ما اطول خلااااااااااص النفس طابت منهم


وهو فيه ايجابيات هو ما يطلع من البيت
احيانا يتأسف
ما هو راعي علاقات انا ما فتشت وراه لاكن ما شفت شي حتى الان
اغراض المطبخ والصيدليه تجي بسهوله اما الباقي بمشاكل