استشاره بموضوع

السلام عليكم ورحمه الله وبركاته
اخواتي الغاليات ابي استشيركم بموضوع عااادي مايعتبر مشكله بس انا حابه اخذ رايكم من باب الافاده وممكن تفكيري غلط او شي
عندنا وحده من قرايبنا عمرها تقريبا 23 سنه تدرس كليه ماعندها الا هي واختها صغيره بثانوي وامها متوفيه وابوها للأسف انسان بخيل وشبه مايصرف عليهم وفلوس الكليه غالبها ضايعه علي السواق والكفتيريا
فانا كلمت اخواني 2 الي احسهم ممكن يساعدون وانا احط الي الله يقدرني عليه وبين كل فتره وفتره اذا اازور البنت اعطيها مبلغ يعني مره 500 مره 1000 مره 1200 الي الله يقدرنا عليه وبعض الأحيان لا جا عيد او شي تعرفون ملابس واغراض شخصيه وكذا اخذ من غالبيه الاهل لما يتجمعون وأقول مساعده لوحده محتاجه من الاهل و هم مايقصرون يس الله يجزاهم خير
بس في شي ملاحظته كذا مره أكون عاطيتها مبلغ مثلا ويصادف نروح سوق او شي احسها ماعندها تصرف بصرف الفلوس نهائيا واختها الي بثانوي ماترضي تروح سوووق تقول لها خذي لي ثياااب وخلاص
تخيلو مره ماخذه لها تنورة ب850 قلت لها مو كانها غاليه تري ال850 ممكن تجيب لك لبستين يعني تنورتين وقميصين ومعاهم جزمه بعد قال لا لاا هذي تدوم وافضل ومن هالكلام ومره كنت عاطيتها للعيد وبعد كم يوم توريني بالواتس اب جزمه مره حلوة قلت لها تجنن من وين اخذتيها ممكناخذ لي زيها قالت لي من المحل الفلاني ب450 عليها تخفيض ومره ماخذه عطر ب650 حسيت البنت تصرف الفلوس بشكل عشوائي وبعض الأحيان تقول لي ابي ملابس من عندك ماعندي ملابس قلت لها طيب ليه ماتشترين أسعار حلوة في تنانير علي 100 واقمصه علي 100 وخامتهم زينه وحلوة ومن هالكلام تقول طيب بس مااحسها تنفذ
انا بزورها بعد أسبوع تقريبا زوجي اقترح علي قال لي طالما هي تلبس نفس مقاسك ودايم تأخذ من عندك ثياب ليه ماانتي تشترين لها ثياااب بدال ماتضيع مبلغ علي تنورة او قميص او خرابيط وانا محتاره يابنات وابي شوركم هل اعطيها المبلغ بيدها والا اانا اشتري لها والي اختها مع اني احس اختها المسكينه مايصفار لها أي شي من الفلوس الي اعطيها اختها بسبب الشغلات الي تشتريها ماادري محتاره مره ياريت تنصحوني والف شكر