استفسار صديقتي بزيارة اهل الخاطب لها

صديقتي مطلقة تقدم لها مطلق بأطفال تقول انو زاروها اهل الخاطب جلسة تعارف بينهم استقبلتهم هي وامها . ام الخاطب مريضة كبيرة بالعمر ما تقدر تخرج من البيت فحضرت عمته ( اخت ابوه ) وبنتها وزوجة اخوه . تقول صديقتي : انو ماشاءالله عمة الخاطب طول الجلسة كأننا نعرفها من زمان تتكلم بإرياحية وهي جالسة مع امي وانا جالسة بجنب الشابات اللي هي بنت عمة الخاطب ( عزباء ) لسه بنوتة بآواخر الثلاثينات وزوجة اخوه طول الوقت يتكلمو مع بعض ومتجاهلينها وصديقتي هي اللي تبدأ بمشاركتهم في الكلام بالرغم انهم بنفس عمرها بالثلاثينات وهي اللي تسألهم عن معلومات الخاطب ايش وظيفته وايش سبب طلاقه وكم اطفاله وكل الاسئلة الضرورية وهما يجاوبوها بعدين يرجعو لسواليفهم ومطنشينها !!! والاغرب انهم ما يسألوها بشي هي اللي تتكلم عن نفسها وامها هي تقول لها اشرحي لهم سبب طلاقك والى آخره عشان نكون على بينة . طبعا امها تقول هذا الشي قدامهم بصوت مسموع عشان يتشجعو ويسألو عن كل شي . ولكن جدا رسميين !!!!! يسولفو مع بعض ومهمشينها ولا يطلو فيها ولا يشاركونها بالحديث ولا كأنها موجودة فهي خايفة تقول اذا مجبورين على الخطبة وماهم راضين على زواج ولدهم ليش جو !! لانها مهما كان مقتنع فيها وحبها بعد الزواج حيأثروا فيه ويتركها . خصوصا انو مطلق جديد ماله الا ٤ شهور فقط حتى اخواته المتزوجات ما حضرو الزيارة متعذرين انو عندهم ظرف خاص. هي اهم الشي عندها الاهل اذا ما تقبلوها والخاطب أصر عليها حيأثرو عليه بعد الزواج وهذا الشي عانته في زواجها الاول سبب طلاقها اهل الزوج أثرو فيه لانهم ما تقبلوها عشان خاطر زوجته الاولى وما تبغا تعاني للمرة الثانية