استفسار عاجل

مساء الخير

بدخل بالموضوع على طول...انا في الاشهر اللي طافت صارت لي مشاكل بالتبويض وكنت كاتبة عدة استفسارات عن هالشي والشهر اللي طاف بعد ما استخدمت المرقدوش وخلطة وادي النحل الحمدلله رجع تبويضي طبيعي لاني الجمدلله حملت قبل طبيعي...ولكن من غير افرازات زي قبل ...لمن جاتني الدورة اصرت الدكتورة تعطيني كلوميد انا رفضت لا مو مايدة المنشطات ..وطلبت منها تسوي لي تحاليل كامله والحمدلله على كل حال لقت عن ارتفاع بهرمون الحليب بس ارتفاعه بسيط وطلبت منها تشوف اذا كان عندي التهابات وبالفعل لقت عندي بكتيريا حادة مرررة ...والحمدلله صرفت لي غسول زي الجل بعلبه وردية...وصرفت لي كريم مهبلي من افالون معاه انابيب اعبيها وادخلها بالمهبل واضغطها لمدة 7 ايام ..ومضاد حيوي 5 ايام ...والحمدلله احس انها جابت نتيجة نزلت معي افرازات التبويض لانها تقولي الالتهابات كانت مقيدة افرازات التبويض ..ومافي الم ولا حرقة

السؤال يابنات ..ادويتي تنتهي قبل انتهاء ايام التبويض بيوم واحد ..عادي يكون جماع بعد ما اخلص الادوية مباشرة ولا انتظر الموعد ..لان موعدي في 21 من الشهر عشان انا بسوي تحليل البروجيستون وبدخل عليها..ولا في مجال اكلمها تليفون ..ولا حصلت عندها موعد عشان اروح لها...ايش تنصحوني فيه

على فكرة ..سبب الالتهاب والجفاف اللي صار عندي هو استخدام الخل والماء ..لان الدكتورة اللي اعالج عندها قبل لمن سالتها ابغا بنت قالت لي استخدمي خل وماء بس انا شكل طريقتي خطا ..بس الحين تبت ماعاد اقول بنت ولا ولد اهم شي تمام الخلقة والخلق


انتظر رايكم