استفسار عن اكل النفاس

معالي 503 :

نفاسي الجاي بإذن الله ناويه على قهوة وشاي للنفاس للمعلوميه أنا ماألهم بتاتاً قهوة النفاس تشربينها متى مابغيتي مع تمرة النفاس إللي فيها شمر وكمون مجروش وفلفل اسود مطحون عباره عن قهوة شعير ونانخه وقشر قهوه بنسب متساويه مطحونه تضيفين لها مسمار وزنجبيل تتطبخينها على النار ولاتطولين فيها شاي النفاس قرفه وكمون وشمر ويانسون أو كراويه كلها مطحونه تحطين ملعقه من كل نوع في ترمس وتحليها بعسل أو سكر اسمر وخليها ساعه ورجيها قبل الأستخدام الأفطار على الريق حلبه منقوعه صفيها وأغليها علي خفيف مقدار كأس مضاف لها ثلاث ملاعق حليب مجفف وملعقه كبيره عسل وملعقة ماش ورشة فلفل أسود أو حليب طازج او طويل الأجل مضاف له عسل وملعقة حلبه مطحونه وملعقة ماش ورشة فلفل مشكلة هالطريقة تترسب الحلبه تحت وتصير ثقيله وتبقى ماتستفيدن منها بعضهم يحركونها أثناء الشرب عشان تختلط من الأفضل مع الحليب عصيدة إللي هي تمر ودقيق أسمر وتحطين عليها سمن و فلفل وممكن تسوينها لمدة أسبوع كامل تقسمينها تحطينها في الثلاجه وتطلعين الصباح تسخين بس وممكت تسوين كميه أكبر وتحطينها في الفريزر في صحون بلاستيك بغطاء وتطلعينها في الليل وتسخن الصباح هذا إذا كان صعب تحضيرها يوميا وأثناء فطورك الصباح خذي سبع حبات حبة البركه لاتزيدين عليها وحطيها بين اسنانك أسحقيها لاتبلعينها كامله وأشربي عليها حليب والرشاد تعبطينه مع تمر وسمن في العشرين الأخيره عشان ينظف ويطلع بقايا النفاس ملاحظه قشر القهوه والشمر والحلبه مهمه مره في النفاس الشمر لاحظته يشد الجسم وقشر القهوه والحلبه غنية عن التعريف حاولي لاتلهمين ماراح تأخذين إلا الحرقان وتلبك المعده المره كل ثلاث أيام أشربي فنجال قهوه هذا بعد ماتخلصين المضاد والدباغ أو الأرطى أبو العجايب أخلطيه مع ملح فارسي ومره وأطبخيه وصفيه وتوضي فيه من البدايه إذا كنتي بدون خياط .. ومن العشرين إذا كان فيه خياط وتوسيع ولاتنسين الحليب مع الحلبه عند النوم يعني مرتين صدقيني لاجربتي هالجدول ماراح تعدينه بإذن الله ترجعين بنت وأحسن وبصراحه مريح وكل الأعشاب معروفه وعلى فكره أنا أم عيال ولي تجارب في النفاس أنا وخواتي يعني ماجيب من رآسي

نفاسي الجاي بإذن الله ناويه على قهوة وشاي للنفاس للمعلوميه أنا ماألهم بتاتاً قهوة النفاس...