استفسار عن الفحص الداخلي+ابرة الظهر+الطلق

السلام عليكم
مرحبا بنات
طبعا اختكم في الله جايه متروعه من موعدها
انا عديت التاسع ب3 ايام ورحت للدكتوره وفحصتني لاول مره داخلي وانا خوافه اصلا وشايله هم ومرتبكه
ففزعت الدنيا وتألمت الم مابعده ولا قبله احس الدكتورة ودها تصفقني وتقول في نفسها وش هالفيله اللي مسويه نفسها رقيقه لا وكاشخه بعد لابسه فستان قصير استعدادا للكشف لووول


الحين بسال الفحص اللي يشوفون فيه كم توسع الرحم زي الم اول مره ؟ بامانه يا بنات عشان ماروح الا وانا فاهمه مابي اسوي زي هالمره ؟لان هالمره سوت لي توسيع من 1 الى 2 سم

انا الحين شلت هم الولادة مع اني ناويه اخذ ابرة ظهر اذا ربي يسر بس ولو خايفه من سالفه الفحص لاني تهولت منه ياويلي ويلاه,هل اذا اخذت ابرة ظهر ماحس بالم ابدا ابدا بس دفع؟؟؟
ماتخيلت نفسي خوافه للدرجه ذي احسب اني قويه ,المشكلة مستحيه اخاف اصرخ وانا اولد مع اني كانت نيتي استغفر واقرا واتعوذ بس الالم نساني كلشششش ياربيه ماودي اضعف


الشي الاخير وش اشرب عشان اجيب الطلق
اشرب قرفه وينسون؟ولا اخليها على الله متى ماجا جا؟

بكريات لاتخافون من هرجي ترى كل وحده وشخصيتها انا طبعي هواله وخوافه واكره شي الفحص من فوق من تحت من اي مكان لوول
يعني انتي اللي تقرين موضوعي يمكن احسن مني مايهمك الفحص ولا تحسين فيه بس انا يمكن فيني شي نفسي :)
لحد يقول خوفتينا
لووول
انا خوافه اصلا وابي احد يطمني

موفقيييين