استفسار واخذ مشورع

السلام عليكم
كيفكم يا اخوات
الحين اذا صحيت الصبح وجهزت الفطور والفسحه للاطفال وصحيتهم ولبستهم وجهزتهم وبنفس الوقت رضعت النونو لانها تصيح وفي سباق مع الزمن وارسلت الاطفال المدارسهم
وبعدها غفيت شوي الين عشره وبعدها قمت ولميت الغسيل ورتبت البيت وكنسته وغسلت الحمامات ورتبت غرفة الاولاد وعبيت الغساله مويا وغسلت ملابس زوجي الي جاي فيهن من البر وبعدين جهزت الغدا واهتميت با الرضيعه وبعدين جو من المدارس غيرت عليهم وغديتهم
وغسلت مواعين الغدا و اعطيت الصغيره اكلها بعدين درستهم الي انقله املا والي اعلمه كيف يقرا والي احفظه قران والعمليه تستغرق اربع ساعات بعدها اقوم اجهز العشاء وبعدها احط ملابس المدرسه تبع اليوم با الغساله واغسل صحون العشا واشطف المطبخ واروش الي عليهم
مدارس واجهزهم وانومهم للعلم عندي ثلاث اطفال با المدارس و وحده رضيعه و اواحم
السؤال هنا هل كل الي كتبته فوق ما يعتبر شغل هل نومتي الى العشره اجرام
لان زوجي شايف كذا زوجي ابد ما يساعد و متوظف مراسل بمدرسه خصوصيه يعني يداوم ساعه وحده بس من ثمانيه الى تسعه. ويتكي با البيت على الجوال واذا جو الاولاد من المدارس يطلع للبر يرجع تسعه والاطفال علي تدريس تنظيف والصرف مني لان امي مدرسه وتعطيني كل شهر الف وهو عارف وصار ما يصرف فلوسه لاخوانه يتفشخر ويحلف عليهم يبي يعطيهم فكره انه غني وتدريس الاطفال علي يقول والله لونهم با الكليه خل ياخذون متمكن
والحين تهاوش معي وقال انه هو الي يتعب ويكد ويصحى من الصبح وانا انام الين عشره نفسي يا بنات افتح راسه واشوف هو فيه مخ ولا لا
طبعا هذا معرف صديقتي شارت علي اكتب لكم قصتي يمكن وحده عندها حل
ايه صح فيه شي مزعجني الشغل الي ابيه منه يخلصه بعد ست شهور من الطلب لكن هو الي يخلص شغل اخواته وياخذهن للسوق ويقضي معاملاتهن وهن كلهن متزوجات
الحين الكائن الحي الي هذي مواصفاته وش علاجه