اسعفوني قبل يقوم زوجي😣

مرحبا بنات .. قبل ابدا رجاءً اللي ردها يغث تطلع بدون رد 😊
انا يا بنات من تزوجت عمري ما فتشت جوال زوجي ولا شكيت فيه .. واثقه فيه لانه يخاف ويغار على بنات الناس مثل خواته وينقهر اذا سمع هالسوالف .. بس من كثر ما اقرأ هنا واشوف بديت اشك بزوجي صرت كل يوم اذا نام اخذ جواله وانخشه من رسايل وصور وواتساب كل شي انخشه ما ابقي😪 واذا خلصت رجعته مكانه ونمت عادي لاني ماعمري احصل شي بس عشان ارتاح المهم امس كالعاده نام وانا قمت اخذت جواله من جمبه وتكيت على الكنب يمكن جلست ربع ساعه او اكثر .. لما خلصت رجعت جواله مكانه ولا زوجي يجلس قال وش كنتي تسوين .. انا احسبه توه صاحي قلت اخذت صوره من جوالك قال نص ساعه تاخذين صوره من اول ما اخذتيه وانا صاحي انا تلعثمت وجيت بتكلم قال ولا حرف الحق على اللي واثق فيك ومعطيك ارقامه طفي النور بنام لما جيت بتكلم ثاني مره قال اقول ما ابي اسمع شي .. ونام وانا ما قلت له شي 
بنات الله يخليكم اسعفوني اذا صحى وش ارقع له وش اقول مابيه يفكرني شاكه فيه ابي ترقيعه ثانيه 😩