اسهل والذ واسرع فراخ

بسم الله الرحمن الرحيم
الطريقة دى انا بتبعها وقت مكون مشغولة وهية لذيذة والكل بيحبها نبتدى
نجيب فرخة اي حجم ونغسلها كويس ونقطعها اربعة ونرشها ملح وفلفل ونقطع الكبد والقوانص
نجيب 2 حبة بطاطس وسط و2بصلة وسط وفصين ثوم
الطريقة
نبتدي بقطيع البصل جوانح ونرصة في الصنية ونضيف فصين التوم
ونقطع فوقهم البطاطس
ونرش ملح وفلفل ونضيف اكبد والقوانص
ونرص الفراخ بعد من كون دهنا جلدهم زيت و ببريكا (فلفل احمر حلو) الببريكا اختياري
ونضيف معلقتين زيت في الصينية +ربع كوب ماء
فنفس الوقت نكون سخنا الفرن على اعلى درجة لمدة عشر دقايق
ثم نضع الصينية على صاجة الفرن وهو على اعلى درجة لمدة ساعة تكون نضجت ولو كانت محتاجة سوى (للبيحب الاكل زايد سوى)نهدى النار ونتركة اوكانت محتاجة تحمير ممكن نشغل الشواية 5 دقائق
واتمنى انكم تجربوها انا بحط الصينية في الفرن ومبرجع لهاش قبل ساعة اطل عليه يعنى بسيطة وسريعة التحضير