اشتريت غساله صحون

سلام لأحلى حوائيات

ابشركم شريت غساله صحون بعد بحث وتبقيق عيون وجولات وصولات بحثيه
وقع اختياري على ثلاث انواع
ويرلبول
ارستون
ال جي

رحت اليوم لمحلات الاجهزه كثير قالوا ويرلبول عليها سحب درت كذا محل حتى طفش ابو الشباب
وقلت خلاص اشتريها
ويارب لك الحمد لما رجعت لاحد المحلات اللي سبق مريتها ومدح لي البائع ويرلبول لقيت عامل مصري ابن حلال قال ما انصحكم فيها ابد انا كهربائي وهذي في الموديلات الجديده كثير يشتكون منها انها تكهرب لكن اذا عندك ايرث خذها
قلنا لا ماعندنا
قال اجل انصحك بال جي ولكنها مو موجوده عندي
ممتازه ووكيلها كويس
انا طبعا دخل مخي الكلام خصوصا ان اهلي قولوا الله يحفظهم والا مب مكمله ههههه قلتوا صح
طيب اهلي عندهم ال جي من اربع سنوات تقريبا
وكل الانواع اللي شفت
ارستون واندست ويرلبول وغيرها ضمانها سنه وسنتين
الا ال جي ضمانها عشر سنوات
واللي تحب تتأكد تكتب بقوقل غساله ويرلبول تكهرب وتشوف النتائج

كتبت الموضوع حرصا على سلامتكن فلا تبخلن بدعوه طيبه
وطبعا العروسه بتشرف بكره ان شاء الله يعني لا احد يسألني عنها
لكن اهلي مرتاحين عليها
واعرف ناس عندهم ويرلبول يمدحونها لكن من زمان مشترينها من 7 سنوات واكثر
والمصري يقول كانت ممتازه لكن الدفعات اللي من تاالي ماش تكهرب