اشتقت لحياتي

السلام عليكم. كيف الحال هذا موضوعي الاول اطلب من الجميع ان يدعولي بان ارجع مثل قبل و اقدر اهتم ببيتي و اولادي انا في الثلاثينات من العمر متزوجة و عندي ابناء من فترة اربع سنوات مريت بظروف صعبة جدا و ضغوط نفسية كبيرة و انتهت الظروف و الحمد الله على كل حال المشكلة ان من سنة تقريبا بديت احس بآلام شديدة جدا في المعدة و البطن لدرجة صرت اقعد بالايام ما اقدر آكل او اتحرك مرت ست اشهر و انا آخذ ادوية للمعدة و اعشاب و هكذا لحد ما مليت و قررت اسوي سونار اكتشفت من خلاله اني اعاني من وجود ورم في منطقة البطن و هو اللي مسببلي الم من يومها تعبت نفسيا و جسديا صرت ما اقدر اعتني بابنائي متضايقة اتالم دائما منزعجة الحين احنا في اجازة و اغلب وقتي اقضيه في بيت اهلي و تعرفون ازعاج الاطفال بس لو بدت المدارس شنو راح يصير اهلي في منطقة بعيدة عني نفسي ارجع مثل قبل اهتم بنفسي بزوجي بابنائي ببيتي اتمنى تزول الالام اتمنى آكل من غير خوف من الالم نزلت 15كيلو في الفترة الماضية وجهي كله تجاعيد شاحب اسمر مجهد اشتقت لحياتي و للبنت اللي في داخلي اللي تحب بيتها و حياتها ادعولي بالفرج استغفر الله ربي و اتوب اليه