اشتقت لك يالرياض❤️

السلام عليكم ورحمة الله
كيفكم يالغاليات
احترت وين اكتب موضوعي بس ان شاء الله هذا المكان المناسب له
ايييي يااا بنات اششششتقت للرياض
والله اششششتقت لها حييييل


بعد ما عشت كم سنه انا وزوجي في الرياض جاه نقل لمحافظه بعيده شوي عن الرياض طبعا براتب اكثر وميزات اكثر من ناحية مدارس بيت راتب ...المهم زوجي وافق وانا مالي حيله ارفض هالشي... وانتقلت وطلعت من الرياااض وااااه من طلوعي من الرياض .. صار لي شهر بس اشششتقت للرياض ولأهلها ولشوارعها و ابراجها وزحمتها وجوها الحار وبردها الجاف وربي وربي اشششتقت لها ..وماني مصدقه اني خلاااص ماعاد برجع الرياض ..حتى اهلي مو في الرياض لييييتهم في الرياض عشان كل ما اشتقت لها اروح لاهلي واتمشى فيها .. يا بنات والله ما تتخيلون ايش كثر وحشتني هالمدينه لدرجة اني اذا شفت في التلفزيون صور للرياض على قناة السعوديه او الاخبار على ام بي سي اجلس اناظر فيها واتبسم ما افوت ولا منظر ابي اشوفها .. والله صديقاتي اللي في الرياض اذا صورو سنابات افتحها اقول يمكن راحو المول الفلاني ولا يصورون الشارع الفلاني .... والله اول ما انتقلنا من الرياض بعد كم يوم رحت السوق وطول الوقت وانا ابككككي تذكرت اسواق الرياض ومحلاتها وبضايعهم ومولاتها ....
مررره متأزمه نفسيتي ما تقبلت المدينه اللي انا فيها ابي الريااااض وحشتني مرره مرره..
والله يا بنات لدرجة اني صرت ادعي في صلاتي يا رب تطلع حب الرياض من قلبي لاني مستحييييل ارجع لها