اشرحولي شمعنا هالحركات

السلام عليكم

مشكلتي مع زوجي غريييييييييييييييييب جدا . اول زواجي كان لمى يسولف معي يعني تفهمين انة انسان يحب زوجتة وانسان ما يدخل مشاكلة اللي برى للبيت ولا يسمح لاحد يتدخل ببيتة او زوجتة حتى لمي يسولف عن جماعتة يقول فلان الداشر متزوج يطرد البنات وفلان اللي فية ومافية .
قلت في نفسي الحمد لله متزوجة واحد عاقل .
ومع السنين ل اللي يقولة اكتشف انة كذبة < او ان بليس يزين لي > مدري والله انا حييييييييييييل محتارة
فية غيرة غير طبيعية . مثلا كنابدمام واخذنا فيها عشر ايام ومرة طلعنا بمنتزة وكان يقولي لا تتحركين مرة ولاتطيح عباتك على كتوفك واذا قلت لة ابي امشي تحرولت رجليني كان يشحط في ويعصب ويزعل وقلت لة مرة ابي اودي الولد للحمام وانتم بكرامة قال روحي يوم رجعت لقيتة واقف عند المراجيح اللي فيها بنتي ويطالع يمي قلت في نفسي رجال يغار على مرتة. وسكت ومرة كنا واقفين عند مطعم انا بسيارة وهو نزل ويوم رجع اخذ يشخط في ويقول انتي بتسببين لي مشكلة يوم من الايام بصوت عاااااالي جدا قلت وش سويت قال فية رجال يطالعون فيك والله يابنات ان عباتي على راسي والنقاب مفتوح فتحة صغيرة. احينا واحنا في المنتزة يقول شوفي الاجسام الزينة مو انتي شوفي الكشخات مو انتي قعدت عشر ايام هم تجية حالات اكلمة ولا يرد علي اللى بعد طلعت الروح. وبعدين يوم رجعت لرياض رحت لم لدكتورة وكانت تكشف علي على السرير بيني وبينه ستارة ولم شلتها بسرعة شفتة يبتسم لدكتورة ولما شافني شال الابتسامة قط قالت لي وحدة اذا كان زوجك يقولك لاتلبسين كذا ولا تسوين كذا خوفي منة . وانا الان بديت اشك احس ان يخدعني شوفولي حل وش تنصحوني حالتي زفت من اسلوبة في المعاملة كلامة وسخ < الله ياخذك ويريحني منك > انتي مافيك شي زين - بيتك مو زين - انتي عنادية - انتي فيك ريحة ورب العرش اتسبح مرتين واحيانا ثلاث ومع ذلك يمر جنبي ويسد جشمة اسلوبة استفزازي لابعد درجة
احس انة يبي المشاكل معي علشان اطلع من البيت . واللي مطينها ان الحياة عند اهلي صعبة جدا بسبب كرة المشاكل ولا كان رحت من زمان . بعدين هو مو دايم كذا احيانا لا ركبتة عنزة يسوي اقوى من كذا واحيانا ياحيلة بس الاوقات اللي تركبة عنزة يطين عيشتي تطيين يوريني العذاب
الله يوفقكم شوفولي حل وش رايكم بحالتي وبية وش اسوي معة