اشعة عنق الرحم .. طمنوني الله يخليكم

السلام عليكم .. كيف حالكم خواتي ؟؟؟

انا اتابع حملي عند الدكتوره لواء بربر في مستشفى سعد التخصصي .. قرات عن مديح كثيير لها في النت .. توكلت على الله و صرت اتابع عندها ....

المهم قالت لي راح نعملك اشعه في نهاية الثالث او في بداية الرابع عند دكتوره الاشعه وفاء شنبو ..... عشان نشوف اذا البيبي فيه اي تشوهات من خلال عظمة الانف و الرقبه ... و راح نشوف عنق الرحم و طوله و اذا كان قصير او مفتوح راح نربطه على طول .. الحمد لله ما طلع عندي مشاكل .... و ما احتجت لربط ...

المهم امس جتني التهابات شديده .... و اضطريت اروح مستشفى اسطون عند الدكتوره دعاء عشان تعطيني شي يريحني من الالتهابات لانه موعدي مع لواء لسه بعد شهر و ما فيه مواعيد اقرب ... هذي هي مشكلة مستشفى سعد :(
مع العلم اني رحت لها قبل كدا برضو كان شي طارئ ..

المهم سالتني عن عنق الرحم و كم طوله و مدري ايش ... و اذا كان مغلق .. قلت لها اني عملتها في مستشفى ثانيه لانه في اسطون زحمه .... و عطيتها النتيجه قالت لي كويس ...

المهم و هي تفحصني في السونار .. سالتها اذا تقدري تشوفي عنق الرحم .. قالت لا في السونار هذا ما اقدر اشوفه .. و لازم تكوني حشرانه مرررررررره اكرمكم ربي قبل ما تعملي اشعة عنق الرحم .. عشان يبين .. ؟؟؟؟؟ انا هنا استغربت .. لاني لما عملتها في سعد سالت الدكتوره لواء اذا احتاج اكون حشرانه قالت لا ما يحتاج ...

و انا قعدت ادور في النت لقيت انه اشعة عنق الرحم لازم تكون الوحده حشرانه عشان يبين مع الدكتوره ...

ضاق صدري و قلت ليكون الاشعه يلي عملتها في سعد اي كلام ..و فكرت اعيدها في اسطون ... فجأة بديت اشتت نفسي في مستشفيين .. و هذا الشي غلط لازم الواحد يثبت ... :(

انا الحين في حيره من امري دحين من جد لازم اكون حشرانه و لا يعتمد على مدى تطور السونار و دقته ؟؟؟؟؟

و انا قرات عن الدكتوره وفاء قالوا لي انها شاطره و حبوبه .. و فعلا حسيتها فاهمهه شغلها وواثقه من شغلها .. و تنكت و حبوبه ..

اعيدها في اسطون عشان اتاكد زياده و لا خلاص خليني على نتيجة مستشفى سعد ؟؟؟؟