اشكو بثي وحزني لله ؟؟؟ تعالوا اسمعوا واحكموا

مساااكم جوري ..
جيتكم وكلي هموم وكلي امل بعد الله تريحوني .... مشكلتي طويله لكن بسرد لكم حتى تكونون على بينه واسال الله ان يفرج همومكن وهمومي بالدنيا والاخره ويبشرنا بمانحب ونتمنى ...

بدايه انا تعلقت بابن عمي وكان فجأه مع انه كانت طفولتي معه واحلى ماتكون ماذكر يوم ضربني او زعلني والمهم انا تغطيت عنه وانا بسادس وللحين اتذكره واتذكر ايامي الحلوه معااه ... اللي زاد حبي له البنات كانوا يقولون ترااه يحبك وشاريك ؟؟ كانوا يقولون احنا سمعناه يكلم عمتي المهم انا احيانا بين مصدق ومكذب وكبرت وكبر حبي له

ومرت الايام وحصل مشاكل وعمي قام طلق امه (وهو قريبته للاسف ) المهم في اثناء هالفتره انا رايت ان اخوه يطل علي من من شباك دوره المياه اعزكم الله وفسرتها عند مفسر معروف وقال امور متعسره وستفرج انا هنا ضاق صدري وماشوف امور متعسره لين جاء اليوم اللي عرفت فيه بطلاق اللي حصل واخته خبرتني بوقتها انهم كانوا ناويين يجون يخطبوني وصار الطلاق وسكتوا انا هنا عرفت ان هذا التفسير والحمدلله عدت الايام

المهم مره قابلت مره عمي الثانيه وكنت معها عسل والبنات خبروها اني احب ولد عمي قالت مره عمي اني سالت عمكم ليش ماتزوج عيالك من بنات عمهم يقصدونا قال عمي :هم ماهقيت يبونا وانا بخاطري اقول انا احبه ويمكن اهلي يعترضوا لانه قريب

وبدات تكثر احلامي فيه مره حلمت انه مسلمني مفاتيح كثيره وهو يبتسم وفسرها الشيخ انها فرج وتيسير والحمدلله ومره رايته يبوسني وفسروه انه يحبني وان شاء الله ربي بيجمع بيننا لكن انا بديت اكره نفسي لقيت بنت عمي واقفه لي بالمرصاد مع اني ماخبرتها اني احب اخوها ابد ابد .....
ومره صارحتني انها تحب اخوي وانا ماكنت اتحمس لها بالسوالف لاني كنت اعرف ان اخوي مايبي يتزوج قرايب وماودي اعلقها باخوي وبالاخير تنصدم ... اثناء هالفتره امي قابلت امه واخواتها وقالت وحده من اخوات مره عمي خلاص ترى عيالك ماجد وسلمان لبناتي امي بوقتها قالت معليش ماراح ناخذ اقارب موو لانكم فيكم عيب لا بس ابوكم اللي هو عمي ماتركني بحالي ومسبب مشاكل معي اجل كيف لو اخذناكم راح يكبر المشاكل وسكتوا (وحقيقه امي ماسلمت من عمي )

ومرت ايام وتملك اخوي اللي تحبه وبدت مشاكلها معي انا وانا كنت مااحاول اكبر الامور واتغاظى وربي لدرجه سوت شي عظيم عظيم :06: وربي يشهد علي اني تسلفت عشاني اغطي حاجتها واشتري لها كتب وللاسف مابان بعيونها وربي يعلم اني صادقه بدت تتهجم كلام وليش امك قالت لامي كذا قلت لها هي احمدي ربك امي قالته لان لو جاك نصيب مايرفضونه اهلك بحجه ان ولد عمك يبيك وهو والله مافكر فيك

واخوي الحين له سنه على زواجه وكل يوم تعيد الموال وتسبب مشاكل لاننا مااخذنا منهم وربي انا مالي ذنب خلاص كرهت نفسي ..

ارجع لموضوعي اللي انا من بعد ماعرفت ان اخوها يحبني احيانا ودي اضربه من القهر ليش كذااااااا ليش تالف قصص تشوه سمعتي عند اخوها بحجه ان اخوي مااخذ منهم ليش
كل يوم تسالني انتي تحبين اخوي وانا اقول خير وش هالسوال وش تحسين فيه مااعطيها وجه ابدااا وحتى لو اسولف عن اخواني تجيب طاري كل العايله الا اسم اخوها هذااا كله من الغيره اللي ذابحتها ..

ولد عمي متاكده انه يحبني وواحلامي وتفاسيرها تاكد لي اكثر واكثر ...وحتى مره قالت لي اخوي يقول بتزوج ومابي اسكن عندكم ماابي تسببون لزوجتي مشاكل ....انا هنا طلعت عيوني وارتحت انه عارف ان اهله راعين مشااكل ...... صح تفسيري ولاانا غلطانه ؟؟
وهي كانت تقول لاااا ابيك تتزوج عندنا مابي زوجتك تاخذك منا وتغيرك علينااا:06:
وكل من طلع برا عايلته تسببون مشااكل ..
ومره فسرلي الشيخ بعد ماقصيت له رؤيتي الحذاء الاحمر وكان لامع وجميل انا تخوفت من هالون وقال الشيخ انتي راح تسعدين مع زوجك (ماشاء الله) وانا اقول باذن الله وين السعاده بس واخته تدق الكلام والمشاكل دق فيني .. احلامي تفسر اني بتزوجه انااا احبه واكرهه بنفس الوقت من خوواته

معليش طوولت بس ابيكم تدعون لي ؟؟ وهل واضح ان ولد عمي شاريني ويحبني .. مع انه ماتقدم لانه ظرووفه وماديته بسيطه وتعبان وحتى نفسيته تعباانه مرره وواضح على وجهه الهموم بشهاده ابوي واخواني واخواتي ....

وجزيتم الفردووس لاحرمتم الاجر والمثوبه