اصالح امي ولا لا !؟

السلام عليكم بنات راح احكيلكم قصتي
الاسبوع اللي فات كان عندنا مناسبة ببيت جدي وكل خالاتي وخوالي اعتمدو على امي في كل شي ( عدد المعازيم كان حوالي ١٠٠ شخص ! يعني تخيلو مقدار المصاريف ) وانا امي ماتشتغل بس من المصروف اللي يعطيه لها بابا والله حرمت نفسها من كثير اشياء كان نفسها فيها وباعت ذهبها وكل شي بس عشان ترضيهم ! المهم انها اشترت كل شي وكان المبلغ خياااااالي ، و فيوم المناسبة خالتي (عمرها 25) تكتب لماما عالواتسب جيبي بعد اكواب بلاستيك وجيبي تمر وجيبي ليمون من الشجرة اللي عندك بالبيت ! تخيلو الوقاحة ! يعني ماما صارفة قريب ال ١٠ الاف عليهم وفوق ذا ماقدرو يطلعو كم دينار لكم كوب وفوق ذا بعد تقولها جيبي من شجرتكم ف ماما جدا انزعجت وضغطها ارتفع وعصبت بس ماقالت لها شي قالت ابشري وصارت تبكي وتقولي ليش يستغلوني وكذا وانا مررررة انزعجت وكسرت خاطري امي ف رحت اتصلت ع خالتي ( وهي اكبر مني بس ٣ سنين ) وقلتلها ليش وليش والصراحة فقدت اعصابي وقلتلها كم كلمة تخيلو شو تسوي راحت اتصلت ف امي تبكي تقولها شوفي بنتك شو تقول ماما من الزعل اجت لعندي خدت جوالي وضربتني رمتني في الارض وخلتلي جروح وكدمات كل هذا بس عشاني دافعت عنها وقلتلهم ليش تستغلونها هالكثر وانا والله بس من حبي لامي ولانها كسرت خاطري تدخلت ! المهم ومن بعدها ماعاد تكلمت مع امي وجدا جدا متضايقة انها سوت فيني كل ذا بس لان اختها اتصلت وقالت شوفي بنتك شنو قالت ! مع اني كنت ادافع عنها وماسويت شي غلط حسبي الله ونعم الوكيل في خالتي اللي سوت بيننا مشاكل وهي كانت قادرة بكل بساطة تعطيني بلوك وبس اذا ماعجبها كلامي !! حسبي الله ونعم الوكيل حسبي الله ونعم الوكيل
المهم رجاءا خبروني شو اسوي هل اروح اكلمها ولا شو بالضبط انا الصراحة كثير ضايق خاطري وكل يوم كل لحظة ابكي و ادعي على خالتي حسبي الله صدق انكسر خاطري من هالموضوع انصحوني شو اسوي واسفة اذا طولت عليكم