اصحاب الامراض النفسيه

السلام عليكم


عالم المراض النفسيه عالم كبير ومتعدد


مافيه بيت يكاد يخلو من تعبان نفسي

انا باتكلم عن الاشخاص اللى عندهم خلل بالتفكير ورؤية الامور بشكل غير صحيح


وهل الضغوط العامه تسوي مريض نفسي


وليه ناس تقدر تقاوم هالضغوط وناس ماتقدر


الشخصيه لها دور طيب التربيه والا الوازع الديني



الزبده منو في بيتها مريض نفسي او عقلي


وهل فجاه صار مريض او كان من هو صغير تصرفاته توحي بمرضه


تعالج ونفع معاه العلاج

طيب اشلونتعامل معاه نسايره والا نحاول نتجادل معاه



ابي اتكلم عن نفسي

انا عندي اخت متازمه حالتها مرره تفسر كل تصرف نقوم فيه انه


رغبه في تحطيمها ساعات الموقف يكون بسيط مره مايحتاج كل هالتفخيم


يكون موقف عفوي مره اويكون بدافع الطيبه واضج لكن في نظرها يكون ليه واش المقصود منه

وساعات يكون الموقف اوهام من خيالها تصدقه وتعيش معاناه فعلتو كذا وسويتو كذا

حتى امي ماسلمت من تهيؤاتها ووسوسنها

هي متزوجه وعندها عيال شخصيه كانت ولازالت مثاليه لابعد الحدود

كانت ذكيه ومتفوقه بدراستها ماتعرف اللف والدوران حتى بالمزح

كل اهتمامها اشلون اكسب الناس اشلون يحبوني ويمدحوني

اول اولوياتها الناس وبعدين نفسها وعيالها

اذا جلسنا مع بعض عند ناس تقول ليه كنتو تغامزون وتضحكون علي

احنا مره تعبانين وامي مره ماهي عارفه شتسوي

زوجها رافض فكرة مرضها وحاط اللوم علينا ويقول هي طبيعيه معى

هالحين اهيه تنام وتقوم تدعي علينا مع ان والله انا نعاملها احسن معامله

شالحل واشلون نتعامل معاها مره طردتنا من بيتها وهي تصيح حتى الرجال بالمجلس سمعو صوتها

لاتقولون طبيب زوجهاقاطع كل الاتصالات بينا وبينها ومنبه على عيالها مايردون علينا

امي متضايقه الله يصبرها ماتدري اش تسوي انا بعد ودي اخفف من معناتها رغم انها تدعي دعاوي الله

يبعدها عن المسلمين وكل دعاويها علينا ماعندنا احد ابوي متوفي واخوي سندنا بالحياه ماصارله

ثلاث شهور ميت الله يرحمه

الله وماغير الله قادر انه يفرج الهم ويشفيها ويعينا

الناس بعد ماترحم وهيه معتزله الناس وذاجاها احد تقعد تتراجف وتعرق وتنزل راسهاللارض

ومايطلع الا اهيه ميته من الخوف غير الاوهام اللي شافتها ان هالشخص يسخر منها



ادري طولتها بس ماعندي احد والله العظيم قلت الحيله تجبر الانسان يطلب مساعده

اللي مر بهالظروف او يقدر يوجهني اشلون بس اريحها

الله يخليه لايبخل :44: