اطباقي

مراحب طباخاتنا كيف حالكم

اليوم يالغوالي عندي توزيع للجيران،، فقلت يلا مرة وحدة اصور طباختي الي سويتهم وفطوري بعد ادري متفرغة بس شسوي احب الطبخ
يلا نبدا

الموالح

محشي ملفوف ابيض وبنفسجي وورق عنب حبيب الكل


طبعا اكره شي في المفوف شغلة وحدة سلقه بس وقت اكله انسى موضوع السلقة خخخخخ
نسلقة ليما يلين وتضيفين عليه ماجي لزوم النكهة يعني

نجهز صينيبة الي بنحط فيها المحاشي ونفرشها بطاطس مرشوش بليمون وملح وفلفل ابيض شوي ونتركها على جنب

الحشو
رز مصري 2 كوب
بصل اخضر
طماط مبشور
الخضار الخضرة "كزبرة"تابل"- بقدونس - سبانخ-نعناع كله مفروم
ماجي مبشور
بهارات
سماق
زيت زيتون
ليمون
شوي ملح
كمون

الصلصة
2 ماجي خضار وماء ومعجون طماط واوريغانو وثوم مبشور وبهارات وليمون شرايح وصبار حامض منقوع بنص كوب ماي.

بعد لف الملفوف والورق عنب نصفه على الصينبة ونصب الصلصة فوقها ونخليه على النار مدة ساعتين ونطفيها ونفتحه بعد نص ساعة حتى الورق عنب ما يتغير لونه.



















مجبوس الدجاج

دجاجة مقطعة ومغسولة عدل ومنقوعة شوي على مانجهز الاغراض بليمون
رز ابو كاس مغسول ومنقوع
بصل مفروم طبعا حسب الكمية
طماط وحدة بس مبشورة
جزر مبشور
ثوم مبشور وزنجبيل مبشور وقشر برتقال مبشور "سر النكهة"
بهارات مطحونة وبهارت صحيحة
كزبرة مفرومة شوي للطبيخ وشوي للزينة
بطاطس مقللية مملحة مع شوي كركم

نسخن الزيت ونحط شوي بهارات صحيحة ونحط البصل ونتركه ليما يصير ذهبي نضيف عليه الثوم والزنجبل والبرتقال وتكون النار عالية شوي بعدها نغسل الدجاج عن الليمون ونضيفة على التصل ليما يتغير لون الدجاج للبني والبصل بعد يتغير عن الدهبي نضيف الجزر المبشور ونخلطه ثم نضيف الطماط المبشور ونضيف البهارات المطحونه ونحط شوي ماي يغطي شوي الدجاج ونخليه يغلي شوي بعدها نضيف الملح حسب الكمية نخليه يغلي غلوة محدة ونشيل الدجاج في صحن على جنب ونضيف الكزبرة عليه ونضيف الرز ونعدل الماي اذا زايد نشيل منه والعكس.نغطيه بالمنيووم ونخليه على نار هادئة. ليما ينشف.

نقلي الدجاج مع البطاطس .
ونحط الرز بعدها الدجاج والبطاطس ونزينه بالكزبرة
وهذا شكله النهائي.