اطفالي والطلاق !!!

انا منفصله عن زوجي لكن مابعد عطاني ورقتي من سنتين والان اسعى بكل الطرق اتطلق وهو يأجل ويتهرب خايف يطلقني واتزوج قبله مايبي يطلقني الا لما يتزوج
سبب انفصالي عنه انه راعي حريم مغر..... ويسافر لهم وفيهم كل بلد في العالم له بصمه وسمعته بغرفه مع عشيقته دق علي بالغلط وسمعت سوالفهم و و و شفت صورهم المخزيه ورسايلها الوقحه وهواشها له انه مايكلمني ولا يلمسني لانها تغار وفعلاً كان يحلف لها ويقسم انه مايلمسني ولايكلمني وهذا الي كان يصير عشان ماتزعل عليه وهي باخر الدنيا بدولتها


عيوبه كثيره الحسنه الوحيده فيه انه غني لكنه فقير اخلاق والمال كان سبب تعاستنا ماكنت سعيده ابداً معاه وصابره ومتحمله الى ماكشفت حقيقه سفراته وانكشف الستار قدامي وانحشت قبل يبلاني بمرض او يسبب لي مرض نفسي من الضغط والقهر خاصه بعد ماقال انا كذا بعيش حياتي وبمتع نفسي بفلوسي عرفت ان معاد فيه طب وان هذا الشي طبع فيه ويمشي بدمه ولمى دخلت اخته بالموضوع وعززت له ان الي تسويه شي خاص فيك هي مالها دخل ياترضى او تزوج عليها استغلت المشكله لنفث سمومها وحقدها المدفون هنا انا قلت خلاص من احارب ومن اخلي ثلاثه علي هو وعشيقته واخته وش هالحياه انحاش احسن


انا الحمدلله امرأه كامله ولله الحمد جمال واخلاق وسنع وكنا عائله مثاليه كلن يحسده عليها لكن كثر الذنوب يزيل النعم وربي احرمه نعيم زوجه صالحه كامله واطفال رائعين

ماايهمني الان هو و يتزوج يطير يوقع ربي ازاله من قلبي كل ماتذكر الي سواه فيني عشان خاطر عيون عا...... يعصرني قلبي واكرهه زود اتمنى فقط اخلص من الرباط الي بينا


الان في بدايه حياه جديده وكلي أمل وتفاؤل ولله الحمد لكن كيف ابسط لعيالي مسأله الطلاق لانهم الى الان عندهم امل للرجعه لبيتهم وابوهم وحياتهم وكل يوم يسألوني ايش سبب الي صار لانهم كانوا عايشين حياه هادئه في لحظه انقلبت الدنيا عليهم واهتزت وانا ماراح اخبرهم عن ابوهم عشان مايكرهونه ويتعذبون نفسياً انه خربط حياتهم لسبب حقير ولعيون عا...،،
ممكن اذا كبروا حتى يعذروني لكن الان صغار واخاف عليهم من الصدمه
افيدوني كيف انقل اطفالي لبر الامان
انا الان حابه الحياه اكثر واتطلع لغداً أجمممممل بأذن الله وتعافيت كلياً وكأني مابعد تزوجت نسيت كل الي صار وأمنت انه ابتلاء وزياده درجه عند ربي وعندي يقين ان ربي بياخذ حقي اولاً وراح يعوضني بالاجمل لاني مظلومه لكن المشكله باطفالي منكسرين ومقهورين من داخل ...