اطفالي وزوجي وحسبي الله ونعم الوكيل

السلام عليكم ورحمة الله
زوجي من يومين تخاصمنا وضربني
بدون ذكر تفاصيل وبدون نصايح وانتي ليش عايشه معاه وليش ساكته و و و خلاص طلاقنا قريب بإذن الله ولا بأصبر عليه وبأنهي معاناتي انا واطفالي بإذن الله


المشكله وين .. ان اطفالي كانوا بالصاله وانا بالغرفه وسمعوا صراخنا وبعدها شافوا كدمات بيدي الله يجمد الدم بعروق يده مثل ماجمد الدم في يديني


وجلسوا يسألوني انتي ليش تصرخين قلتلهم كنا نلعب انا وبابا انا اهرب وهو وراي
وكل شوي يناظرون الكدمات بيدي كيف عورك بابا انتي تمزحين معانا هو كان يضربك مو تلعبون وانا اقول لهم لا انا صقعت بالدولاب ومن هالكلام وكرهوا ابوهم
حتى يوم شافوا ملابسه بالدولاب قالوا وع مانبغى بابا ويوم جاء البيت قالوا ليه تفتحين له الباب مانبغاه


لا تجي وحده تتفلسف علي وتقول حببيهم في ابوهم مهما كان يبقى ابوهم ... اذا هو ماحافظ على مشاعر اطفاله ونظرتهم له انا مو مستعده ارمم خراباته ووصاخته في نظرهم
وللعلم هو يضربهم ضرب شديد واعرف بيجي حد يقول ليش ساكته !! والله ماني ساكته وبذلت كل شي بس للأسسسسف وربي القانون ماااااش محد حولك لو عندنا عقاب شديد لمثل هذي الفعايل ماكان نص بيوتنا معنفين




عموما اختصرت موضوعي ونجي لاستفساري
كيف انسّي اطفالي هالشي ؟؟ لأنهم كل شوي يرددونه حتى وهم يلعبون فجأه اسمع حد يقول للثاني بابا مانبغاه بابا مانحبه لأنه يضرب ماما
وللأسف مره بنتي الصغيره قالت لأمي بابا يضرب ماما وكانت قريبتي جالسه وانا لا احكي لكم عن شكلي كيف صار


بيجلس هالشي في بالهم ابغاهم ينسوووونه ولا يذكرونه قدام الناس