اعترفي - اعترفي 🤣🤣 انا بعترف

يسعد أيامكم
اتمنى انكم بخير
المهم مين اللي تبي تعترف انها من مدمنات شات قناة بداية 😁
يازين ايامها و ذكرياتها ومين كانت تراسل ؟
و وش كان شعورك اذا قريتي رد وحدة عندها خلطة سرية و انت متحمسه تكتبين و تحسين انك لقيتي كنز حياتك و بتدسينه عن الحريم وجاك الفرج ؟ 😂😂
مين اللي كانت تحس انها إذا ارسلت بطلب حل او خلطه متأكده انها بتلقى الحل السحري العجيب بشات بداية
اذكر بداياتها كانت عام ٢٠٠٣ او ٢٠٠٤ و كانت الرسالة غالية الوحدة ب خمسة ريال
بس الإعتراف مو تقولين انك مدمنة متابعة
لاااا
اعترفي وش ارسلتي 🤣🤣🤣
اعترافي :
كنت بأول شهور زواجي و عليمية يعني قليل علمي بأمور البيت
و مره زوجي جاب ٤ دجاجات طازجة تكفينا كم يوم
وانا نسيت و خليتهم برا الثلاجة جيت ثاني يوم لقيته تعفن 😭😭😭
متفشله مدري خايفة مدري متوترة من زوجي كلشي تلخبط
و رحت بسرعة لشات بداية ابي حل كيف استفيد من الدجاج المعفن و ما أرمية 😭😭😭😂😂😂 اتخيل بيجيني رد خلطات تبعد التعفن اهم شي انقذ نفسي
مسامحة كل من ضحكت علي