يا بنات لقد اغلق الموضوع بسبب الصورة المنقولة فاليكم صورة اصلية من مطبخ مييمو طازة ساخنة و طالعة من الفرن لكن اعذرونى الصور التفصيلية بدال ما اضغط "send" ضغطت "delete" فطبعا كل الخطوات انمحت سامحونى :(
الموضوع اصلى و مصرى كتابة و صورة و غير منقول من اى مكان و لكم منى التقدير:26:
البسبوسة
يا بناتى الاحباء البسبوسة قتلت بحثا وكل واحدة عندها وصفة حلوة و مجرباها و مريحاها، اخذها اجربها تفشل" رغيف طوب عايم فى مية" و انا عن نفسى و اعوذ بالله من كلمة انا بيقولوا علية شاطرة فى الحلويات الغربية و لكن كل عقدتى و لا مؤاخذة فى الحلويات الشرقية من سنين اجرب و اجرب و الرد واحد "الفشل" مثل القبطان عزوز فاخذت على عاتقى و قلت لازم اجرب و اتمرن و اسخن كويس علشان مسابقة رمضان بين العيلة و ما كذبتش خبر اتعلمت حاجات كتير موثوقة و مجربة و تفصيلية لن ابخل عليكم بها و جربوا و ادعووووليييييييييي
البسبوسة على اصولها ولا اشطر حلوانى
248033
اتفضلوا مدوا ايدكم وبالف هناء و شفاء بس حاسبوا على صوابعكوووووو
المقادير :
500 ج سميد خشن سايب (2و 2/1 كوب )
- 100 ج سمنة سايحة ( 2/1 كوب)
- 25 ج جوزهند ( 1 و 2/1 م/ ك مليانة و مهرمة)
- 200 ج سكر (1 كوب)
- 250 ج لبن حليب ( 1 و 4/1 كوب) الى 1 و2/1 كوب لو العجين يابس جدا تبعا لنوع السميد
- 100جرام شراب ثقيل او جلوكوز (كورن سيرب) (2/1 كوب)
شراب خفيف لنسقى به البسبوسة و عليه ذرة فانيليا حسب الرغبة
علشان خاطر عيونكم حولت المقادير الى اكواب و استخدم كوب الشاى الفرنسى العادى او ممكن اى كوب انما يستخدم فى كل المعاير
248073
الطريقة:
نضع فى طبق غويط السميد وجوزالهند و مع بعض
فى طبق تانى نضع السمن السايح والسكر واللبن الحليب والشراب التقيل ونذوبهم مع
بعض كويس ثم نضعهم على الطبق التانى اللى فية السميد. نخلطهم باليد بالراحة
جدا مرتين تقليب خفيف حتى تظل مرملة يعنى مش سوفت او مش ناعمه قوى .
ندهن الصينية بالزبدة كويس ثم نضع فيها ورقة زبدة و ندهنها ايضا بالزبدة ثم
نصب الخليط ونفرده كويس و نشرح البسبوسة من اعلى مربعات و نجملها باللوز او البندق
النىء او ممكن تجميلها باللوز المحمص بعد السواء تماما ثم ندخله الفرن لمدة نصف
ساعة على درجة حرارة 175 على الرف الاوسط حتى يحمر الوجه و يمكن نوطى
عليها لو الفرن حامى حتى لا تلسع
اول ما تستوى اطفئ الفرن و اسقيها بالشربات الخفيف الساخن تدريجى شوى
شوى و هى ساخنة جدا و ارجعها الفرن المطفى و اقفل الباب حتى تتشرب داخل
صهد الفرن و ازيدالشيرة تدريجى حتى ترتوى تماما سنسمع صوت الفوران و هى
تشرب الشيرة ثم تقدم ساخنة ممكن مع القشدة و بالهناء و الشفاء
الشراب الثقيل الموجود فى المقادير:
2 كيلوسكر على كيلو ماء وتعصرى ليمونة بعد ما الماء يغلى
2 كوب سكر : 1 كوب ماء
الشراب الخفيف اللى حنسقى به البسبوسة:
كيلو سكر على كيلو ماء وتعصرى ليمونة بعد ما الماء يغلى
1 كوب سكر :1 كوب ماء
ملحوظة : كلمة شربات هى شراب هى شيرة فى المنتديات و البلاد يختلف الاسم و لكن هذا شئ غير الجلوكوز
الكلمة الطيبة صدقة فلا تبخلوا على بالتعليق و التجربة :42:
يا بنات لا تمرُن كالهواء و لكن اتركن تعليق يظل شذى عطره كالمسك الفواح و شكراا :26:
تسلم ايدك بصراحه شكلها يمي يمي يمييييييييي