اعطيتها..وارتحت..وجعلها بذمتها..

السلام عليكم
اغلبكم عارفين مشكلتي معها( اخت زوجي) واتهامها انها معطتني فلوس بيدي( كذب وظلم وعدوان) حسبي الله ونعم الوكيل
ورسايلها وكلامها المؤذي لي ولاهلي تطلبهم يدفعون لها واتهامهما الكاذب انها معطتني الفلوس بيدي والله على مااقول شهيد انها كاذبه الف مره
المهم انا استخرت وقررت ادفع لها (لانها بالحقيقه تطلب زوجي مو انا وزوجي يماطل بها وورطني معها وحقها اللي تطلبه منه قليل جدا بالنسبةللملبغ اللي هي طالبته)
المهم انا استخرت وقررت اعطيها وبحتسب الاجر واني بعطيها على اساس انه صدقه عني واني بعطيها يمكن يكون بذمتي شي ابريها لاني كنت موافقه زوجي او اي شي ثاني المهم قلت انا بعتبرها صدقه عني وابراء لذمتي لوكان بذمتي شي
المهم اختي اتصلت عليها وقالت لها تعالي خذي الفلوس وتراك بتوقعين وجيبي معك وحده من خواتك تشهد قالت طيب،، وانا رحت عند اختي بحكم انها تطلب الفلوس مني خلاص تستلمها مني وتوقع على ورقه ومعها شهود
رحت لاختي انتظرها وماجات لطعتنا اكثر من ساعه بعدها اتصلت وقالت لاختي ولد اخوي عند الباب اعطيه المبلغ وتراه ثقه وبيوصلها لي اختي قالت لها مستحيل مو هذا اتفاقنا اتفاقنا انك تجين ومعك اختك توقعين وتشهد عليك وصابتها حاله هستيريه تصارخ وتسكر الخط بوجه اختي وترجع تدق ثاني تصارخ وتسكر
وتنافخ تقول بجيب الشرطي لكم ومن هالكلام المتخلف واختي تقول لها اللي له حق يجي يطالب فيه
المهم و جلست طول الليل ترسل لاختي تسب وتللعن فيني وباهلي وتتحسب وحالتها حاله
اختي الثانية قالت ذي ماتخاف من ربها وانا اخاف عليك تسوي لك شي انتي او بنتك لانها تدعي على بنتي بالموت برسايلها قالت اختي بروح وبعطيها الفلوس وبخليها توقع
انا مارضيت بس اختي اصرت وراحت
راحت وقالت لهم عند الباب نادوها وادوها وقامت تسب وتلعن واختي قالت لها خذي هالفلوس وتراك ماتطلبني اختي ( اللي هي انا) بس حنا عطيناك لقصر الشر وقامت تحلف انها معطتني الفلوس بيدي وووقعت واختها تشهد معها وحتى اختها مو موافقتها تقول اختي انا اختها ضدها وطلعت من عندهم
بس ارتحنا من مسجاتها والفلوس جعلها بذمتها يارب مو عشان اي شي بس عشان ظلمها وعدوانها وغيرتها الممييتة مني ومن اهلي
وان شا ء الله ربي بياخذ حقي منها بيوم الدين

وزوجيمازال غايب وجواله مقفل حوالي الشهر
واليوم دقيت بالصدفه لقيته مفتوح بس مارجع يدق علي ولاشي
ومحتاره وش اسوي معه
زوجي طيب وحنون بس يهرب ان صارت مشكله لانه عاجز عن حلها
وكل مشاكل زوجي ماديه
مدري وش اسوي ارسلت له مسجات مارد
وش رايكم ارسل اوالح اواطنشه او اعاتبه وان رجع وش اقوله
انا مفكر ه انه لو اتصل او رد بقوله انا مستعده انتظر واصبر كثير بس مااشوفك ولاتشوفني لا انا ولا البنت لحد ماتتعدل امورك وتجيب لي شقه ومصروف زي العالم مدري هالتصرف صح؟ او اطنشه او وش اسوي
تكفون ساعدوني وادعوا لي وادعوا على من ظلمني وغشني واستغلني
وادعو لزوجي بالهداية وبلم الشمل تكفون
وربي قلبي صاير كنه لحمه ممضوغه كنه قطعه لحم مجرحه بالسكين من كثر البلاوي اللي عندي
ادعو لي بالفرج
لاتسوني
حسبي الله ونعم الوكيل
حبيبت افضفض وارجوكملاتقسون علي بالرد ترا اللي فيني مكفيني:(

حسبي الله ونعم الوكيل

حسبي الله ونعم الوكيل
حسبي الله ونعم الوكيل
حسبي الله ونعم الوكيل