عبق الطفوله @aabk_altfolh

عضوة جديدة

اعيش في دواااااااااااااااااااااااااااا ااااااااااامه حييييييييييييييييييييييييييييي يره

.
..
...
....
.....
......
.......
........
.........
السلام عليكم ورحمة الله وبركاته
ابدخل بالموضوع على طول واعذروني يمكن كلامي مايكون مرتب عشاني ابستعجل بس رجاء اقروا قصتي كلها لاتسكرون وارجوا منكم الردود والنصائح والدعاء لي ورفع الموضوع
صراحه مدري من وين ابدا
...........انا تزوجت واحد اكبر مني ب13 سنه والحمدلله ارتحت له وارتاح لي ونحب بعض وللمعلوميه هو مايقرب لي ابدا
والمشكله من يوم تزوجنا وحنا في مشاكل بس نتهاوش ونتزاعل شبه يومي مستحيل نقعد فتره بدون هوشات ونتراضى بسرعه بس نقوم على هوشه على مشكله على صراخ وجدال والله تعبت من حياتي وهو تعب احس انا مو متوافقين بالافكار والطباع تفكيره غير تفكيري ابي اشياء هو مايتقبلها ويطالبني باشياء انا مابيها
هو راعي سهرات مع اصحابه والشي هذا يضايقني واذا رجع للبيت نتهاوش والله مقدر انام لازم اعاتبه يقهرني النهار اغلبه عند اهله والليل عند شلته واذا قلتله قال انا طالع افتك منك ومن مشاكلك
ومن المستحيلات انه يطلعني او يمشيني او يعشيني بمطعم هو من كيفه لازم اقوله واحن عليه وازعجه وبعد مو على كل حال يطلعني
اذا قلت له قال انتي اسكتي انا اطلعك من كيفي وانا اقول بقلبي(انتظر ياحمار لين يجيك الربيع)
مدري صراحه وش اقول لكن مليت من هالحياه
انا لي 3 سنوات ونص متزوجه و عندي الحين ولدين الله يخليهم لي ويصلحهم ووضعنا ماتغير بالعكس لو مابيننا عيال كان طلبت الطلاق واذا فكرت اني احبه امووووت حسره اكثر وهو بعد احيانا يقول مليت من كثر مشاكلنا ودي كلن يروح بطريقه بس انا احبكي ومقدر استغني عنكي بس ابي سعادتي وراحتي تعبت
ولو تسألوني من وين المشاكل قلت مدري انا بنفسي تعبت ماني عارفه وكل يوم نقول نفتح صفحه جديده ونفتح وهي هي مانتغير هو عصبي وانا عصبيه وانا صراحه ما تحمل على طول اعصب وازعل وكثير انا ابدا الجدال بس قسم بالله غصب انقهرررررررر منه ومن تصرفاته والله اعيش دوامه تعبت نفسيا واحيانا اهرب من هالمشاكل اروح عند اهلي هم ساكنين بنفس مدينتي وهو يقول بالعكس انا مرتاح وانتي عند اهلك ماتاهاوش مع احد ولايغثني احد ولايرفع ضغطي احد وانا نفس شعوره واقول حتى انا مرتاحه عندهم بس مانصبر عن بعض نتصفى كم ساعه او يوم بالكثير ونرجع للهواش بصراحه على كل شي نتهاوش وهو عصبي وبسرعه يتنرفز ويعصب وانا انقهر دمي حار مقدر امسك نفسي
وقبل اسبوع قال خلينا نتفق مايصير مشاكل ولاهوشات ولاتروحين لاهلك لمده اسبوع وابشري بالي تبين قلت خلاص ابيك تطلعني لشاليه فيه مسبح وهذي امنيتي من تزوجت وللاسف لم تتحقق بعد المهم قال خلاص على وعدنا وهو من داخله احس انه مايبي يطلعني للمعلوميه انا اروح لاهلي زياره بس اتونس عندهم واهرب من جو الكأبه مو زعل
المهم وطول الاسبوع وانا ماسكه اعصابي وعزمت اهلي وسيروا علي وسهروا عندي لاني ممنوعه منهم وماقلت لهم ويوم جاء اليوم قلت حنا على وعدنا انك تطلعني وطلع 100 عذر وتصريفه اني مواعد فلان عندي شغل ومالي خلق المهم عصبت وقلت انت مواعدني وقال خلاص بدون نفس ويوم جاء المغرب قال اسمحيلي خليه بكرى اكون مروق اليوم عندي شغل قلت خلاص بس ابي اروح لاهلي قال لا وسكتت
ويوم سهر وشبع منهم جاء وقال بكرى مافيه طلعه قلت ليش قال والله مالي خلق وكان في جيبه فلوس وطلعهن وقال خذي بدال الطلعه واحس انقهرت من تصرفه وقلت لهاالدرجه انا ثقيله وغثيثه ماتحب تطلع معي وقال خلي لين انا اقول ابطلعك وضحكت وقلت مستحيل تقولها قال ان شاء الله بس خلي حياتنا بدون مشاكل وشفت كم الفلوس الفين وثلاثميه ريال وقلت خلاص اباخذ الفلوس بس تطلعني باقرب وقت وانت الي تقول قال خلاص ويوم راح ينام قلت ياليت قلت لا مابي فلوس ابيك تطلعني شاليه بس انا بحاجه الفلوس والله تعبت من هالحياه تكفوووووووووووووووووووووون ارشدوني دلوني انصحوني والله ماكتبت إلا بعد ماطفشت وماودي اخسر زوجي ابو عيالي وانا متاكده انه يحبني بس راحته وسعادته الله يوفقكم ادعولي وارشدوني
ورجاء الي عندها رد مش كويس تخليه لها ماني ناقصه وشكرا واسفه على الاطاله

يلزم عليك تسجيل الدخول أولًا لكتابة تعليق.

تسجيل دخول

ام هااااجر • 13 سنة

اتعوذي من ابليس حبيبتي باين انك متعجلة ومش مديتو فرصة يخطط وينفذ. جربي معاه انك تسكتي . ايوه اسكتتتتتتتتتي طول اليوم الا من كلمات بسيطة. ما تزعلي بس حسسيه انك حزينة. وما تطلبي الطلعة ولا تعصبي هاه حتخربي الدنيا ترى

وانا متأكدة انو حيبتدي يشغل مخو ويخطط وينفد.

Amfahed4 • 13 سنة

الله يسخره لك ويحنن قلبه عليك يااااااارب

بتول 2011 • 13 سنة

الله يعينك والله انهامأساه
فيه حلال للمشاكل ماعليه شي مستحيل
افرشي سجادتك وابكي بين يديه واشكيله همك والله مايردك خايبه سبحانه توكلت عليه

الحروف الشاردة • 13 سنة

حبيبتي انا كنت زيك
بس الحمد لله صرت اطنش مرة يعني على ايش مشكله
اطنش حتى ادا طلبت منه ابي اروح مكان وما وداني اططططططططنش ما ابي زعلي ابدا
والحمد لله عايش بسعادة
لابد من التطنيش لتنعمي بحياة سعيدة
والله يوفقك

22سماء • 13 سنة

وسعي صدرك وماتستعجلي في تنفيذالطلب
لاتكونين رنانه فهاذي صفة سيئة
كذالك من قالك ان جميع الازواج مطيعين
تذكري محاسنه واتغاضي عن سيئاته واخلقي جوهادئكي يحس فيك والحياة ماهي طلعات
الحياة هدوء وطمأنينه
لاتخسرينه تندمين طول عمرك
احمدي ربك واشكريه
انظري لمن هم اقل منك ولاتنظري للي يطلعون ويروحون ويجون وهم عايشين هموم ديون اومشاكل مخدرات وعنف
عجيييييب امرك زعلانه لانه ماووداكي لشاليه!!!!!!!!!!!!!!!!!!!!!!!!!!!!!!!!!!!!!
غيرك محرومه من اهلها 1اومن فلوس ومريضة بمرض مزمن تمنى الشفاء لتتلذذبالصلاة والصيام
مشكلته انه مايخرجك لمنتزهااات!!!!!!!
من قلبي ..فكري صح واعيدي خطة حياتك
ابحثي في النت ..كيفية التعامل مع الزوج وحقوقة انه جنتك ونارك
فلاتغضبيه لترضي ربك