افتراضي نظرية غيرت تعامل زوجي معاي و تعاملي معاه 180 درجة

السلام عليكم

انا متزوجة من 3 سنين و عندي بنوتة .. كانت علاقتنا الزوجية ناجحة وايد خاصة اني خذيته عن اقتناع وحب وهو مش من جنسيتي وكل الناس اتوقعت طلاقنا او فشلنا ....

بس بعد انجابي و كملت دراستي الماجستير بردت علاقتنا و احيانا احس اني اطلع الكلمة الحلوة منه بالغصب و ما قمت اعرف كيف اتعامل وياه حسيت بالاحباط لدرجة اني كنت اصيح ليل نهار ... سويت كل شي من الرقية الشرعية لليالي الرومانسية ... ماشي فايدة قلت اكيد يعرف وحده علي بس ريلي مب جي

مرة كنت اشوف برنامج عن العلاقات الزوجية الناجحة والدكتورة كانت تتكلم ان في 5 طرق تقريبا للتعبير عن الحب منها
تخصص الوقت , التبادل الجسدي, الهدايا والمساعدات, الكلمة , وشي ثاني ما اذكره
اكتشفت ان انا من النوع الي يحب الكلمة ... فبتالي اقول وايد كلام حلو حق ريلي و كنت ابا منه نفس الشي
بس ريلي طلع من النوع الي يحب التبادل البدني من اللمسة بالتالي طريقة تعبيره عن الحب بهاي الطريقة بتكون وعلى ها الاساي اتغيرت حياتي ... انا احب كل شي اباه يخصص وقت لي و ابا منه الحضن و الهدية و الكلمة و المساعدة بس اكثر شي اكتشفت اني احب الكلمة فعرفت ان مب بالضرورة هو بيقول كلام حلو لان طريقة تعبيره مختلفة وبادلته نفس طريقة تعبيره عن الحب قمت اسويله مساج وهو يسوق مثلا امسك ايده احضنه واشيا ثانية وااايد تتعلق باللمس اتغير ما قمت اقول انت تحبني , زين قول تحبني , لا سكت فتدريجيا يوم انا احضنه يقول لي اشتقت لج وين من زماج والله فالدوام كنتي فبالي وانا من داخلي مستاانسة يعني خذيت الي اباه بس من خلال تطبيقي لطريقته هو

نصيحتي لكم اعرفي انتي شو تبين و هو شو يبا لا تسالينه بس اعرفي من خلال معاشرتج له
تخصيص الوقت يعني قعدته فالبيت دليل انه يحبج و يبا يقضي وقت وياج يوم يقولج لا تتاخرين اترياج و تردين البيت عبالج مسوي مفاجأة لج لا تنصدمين لانه هو يحترى ان الوقت الي بيقضيه وياج هو الحب ذات نفسه

الكلمة الحلوة نفس الشي

الهدايا في ريايل كل شوي يشترون هدايا وهي المسكينة ملت تبا شي يديد ... شوفي جربي تشترين هدايا له شوفي كيف بيتغير يعني اقصد جربي نفس طريقته فالتعامل

والتبادل الجسدي معروف شي حريم يملون من اللمسة و الحضن الي اخره اقولج عمري ترا من خلال ها الشي يقولج احبج جربي عامله نفس الشي احضنيه امسكي ايده وهو قاعد اكليه امسحي على راسه اذا هو صدق من ها النوع بيموت فيج

ومن تجربة



منقووووووووووووووول