افففف... يعني لازم التنكيد اذا نويت اطلع من البيت؟؟

السلاك عليكم ورحمة الله وبركاته

احب اولا ابارك لكم بهذا الشهر الفضيل..... كل عام وانتم بخير وصحه
وجعلنا الله من الصائمين القائمين

ثانيا انا احس بالاختناااااااااااااااااق والقهر
ومالي الا الله ثم انتم اقرق عليه واصدع راسه هههههه:hahaha:

انا انسانه قليييييييييييييييييييلة الطلعات والروحات وحتى صديقاتي كل فترة وفترة افقد وحده
وحتى ناسي والعمام والخوال صرت مقصره مره في حقهم ونادرا ازورهم واصل بالارحام

طبعا ماهو انا السبب
السبب ياطويلات الاعمار ..........زوجي العزيز:arb:

اول مايشم شم بس نية روحه اوطلعة براسي على طول قانون وفلسفه وشروط

ادري وش تقولين براسك انتي وياها الحين ههههههههههههههههه

بالعكس انا انسانه حبوبه وغير متطلبه ولا متكلفه وطلباتي ينعدن على الاصابع وسهله مهله على قولتهم

وعلى كذا بلاني الله بزوج يتضايق ويحس بالذنب لو حس اني ابي اطلع استانس او ازرو احد

المشكله مايقول لا ...ياليته على الاقل كأنها اشوا شوي:angry2:
لا يقول ايه ويوافق وروحي.....بس هااااااااااااااااااااهـ لازم بعد الموافقه الساميه قانون وشرط وتحكم

ثاني ايام العيد عندي زواج بنت عمي...اوكي؟
طبعا من زمان وانا انتظر هذا الزواج وملهوفه عليه...خبركم زواج عمامي واكيد جمعة البنات وفله ووناسه وضحك
وهذا الزواج راح يحضرونه حمولتي لانه بعد يقرب لهم

بس انا اقرب لانه عرس بنت عمي

وانا خوفا من التنكيد ومراعاة لظروف زوجي تنازلت عن فستان جديد ورضيت بفستان جدا بسيط من عندي وزياده العادات والاعراف عندنا تقول لازم المتزوجه طقم ذهب من النوع الثقيل خصوصا بعد ان هذي المره اول نظره لناسي واقاربي لي بعد زواجي

وفوق هذا هالزواج اول زواج احظره بعد سنتين تقريبا......قلت لكم ماني كثريت طلعات
وانا تنازلت وراح اشتري اكسسوار اي كلام ......كل هذا عشان حاطه زوجي وخاطره فوق خواطر الناس كلهم

بس لاحياة لمن تنادي

استحلفكم بالله ما استاهل حبه على الراس؟؟ههههههههه:S_45:

ماهو دليل اني قليل ما اطلب واتكلف؟؟؟

اقل شي يعوضني ابو الشباب بأقل شي يقدر عليه<<<اللي هو البعد عن التنكييييييييييييد لي كل ما شافني ابي انبسط:mad:


طبعا الاخ اول ماعرف بنيتي عشان احظر هذا الزواج وافق بس عقب الموافقه وش صااااااااااااااااااار؟؟










صح عليك انتي وياها ههههههههههههههههههههههه

قانووووووووووووووووووووووووووووون وتفلسف فاضي :icon31:
هههههههههههههههههههههههههههههههه

قال لازم تروحين مع اهلي لزواج

يؤؤؤؤؤؤؤؤؤؤؤؤؤؤ
يؤؤؤؤؤؤؤؤؤ
يؤؤؤؤ

<بس خلاص


وامه وخواته مع الاحترام ناس باااااااااااااااااااااااااارده انواع البرود ماعمرهم حضروا عزيمه او زواج الا متأخرين
ولافيه ذرة امل يطلعون من البيت قبل الساعه 10 او 10 ونص

طيب لييييييييييييييييييييييش؟ابي افهم وش الحكمه؟

طيب انا؟
وش ذنبي انحرم جمعة اهلي وخواتي وروحتهم من بدري ووناستهم هناك بالقاعه مع كل عمامي ؟
وكله عشان مجاملات مال ام ام ام ام ام امها داعي

يعني قسم قهر كل اهلي منبسطين من بدري ويساعدون عمامي ويقومون بالواجب

وانا لا لا لا لازم انقبر وانقهر وانثبر واكل هواء وانطق مع اهله الى ما يفكرون متى يتحركون ويرحون متأخرين للمناسبه

وماهي اول مره

دائما وابدا ملصقني بأهله بكل مناسبه وعزيمه.....ويالله مع هذي الروحات المتأخره خوذي انواع النكبات اللي يحبها قلبك.....

مانحضر زواج الا الزفه خالصه والناس تقلط على العشاء
ولا رحنا لعزيمه بالبيت الا العالم متقهويه وصحون الحلا تصفر ههههههه<<اهم شي الحلا مانروح الا علشانه
لا رحنا لاستراحه الا الليل راح
ولا نوينا مشغل الا اخر لحظه اللي اذا رحنا طردونا الموظفات خلاص زحمه ومكتفين من عدد الزباين

المشكله اهله حبايب وماعليهم وانا احترمهم واعتبرهم من اهلي والله يعلم بقلبي اني احبهم واتمنى الخير لهم

بس قسم طفشت وضاقت بي الدنيااااااااااااااااااا خلاص

ماعمري فكرت اطلع وشاورته الا يجلس يتفلسف على قلبي ولازم بأسلوب ولازم بقانون ولازم ولازم...الخ
حتى اهلي منحرمه منهم كل ايام الاسبوع عند اهله واهلي كم ساعه ولا بنكد بعد
صديقاتي ومعارفي وعلاقاتي صارت تنقطع شوي شوي والسبب الاخ مايبيني اروح لناس هو مايعرفهم...طيب انا وش اسوي لك اذا ماتعرفهم بالله؟

يانااااااااااااس حتى وانا حامل......ابي راحه ابي انام وهو ملصقني تلصيق تلصيق حتى الموت بأهله

واعذاره .........

الواحده لازم دايما مع خالتها ام زوجها

اهلي يبونك ويبون بنتي<<والله من النصب ماشكوى لك

ما استانس الا اذا شفتك وشفت اهلي وبنتي مجتعين<<<وهو يحطنا ويطلع مايرجع الا اخر الليل

ابي امي تحبك وتمدحك<<<ياليييييييييييييل ابو لمبه


قسم احس اني بديت اكره اهله وامل منهم وحتى هم بدوا يملون من مقابل وجهي وكأني طالعه من خشومهم....هوطيب معي وكريم الحمد لله وقلبه ابيض بس هذا التحكم كرهني بحياتي
واهله ناس طيبين بس خبركم بيت الحموله.....لازم تجديع بالكلام من خواته الله يهديهن......وكثر الانتقادات باللبس والكلام والتفكير
وفوق هذا ناس الضحك والتنكيت والفرفشه عندهم صعبه شوي <<<اوكي العقل زين بس الواحد يزهق من كثرت الجد والمثاليه لازم فرفشه وتغير جو

انا ماني طالبه شي صعب

انا بشر......ابي حرية شوي ابي يكون لي كلمه على نفسي
انا تزوجته هو ماتزوجت بيت اهله

نفسي اروح واجي واطلع بكل وناسه ومافي شي ينكد علي
ودي البس عباتي وازور الناس بدون قانون وتحكم شرورط
نفسي اقابل خلق الله واشوف اهلي واقعد عندهم الى ما اشبع بدون جوال يدق ويقولي وينك؟متى تجين؟متى تروحين لاهلي؟بكره مافيه روحه لاهلك!!:(

يارجال والله اني احب اهلك وابيهم بس ماهو معناته تغصبني عليهم وبتفكيرك انك بهذي الطريقه تحبب اهلك بي وتحببني بأهلك ترااااااااااااااك غلطان كذا تمللنا من بعض


نفسي يحب لي الوناسه والراحه ومثل ما انا انبسط اذا شفته مجتمع مع اهله واخوياه

ادعوا له بالهدايه

واسفه على كثر الكلام