كيفكم يااأمهات مع حبايب القلب,,,
هذا اول موضوع لي انزله بالصور ,,فاعذروني على رداءتها..
الإسبوع الماضي يوم الأحد كنت الأم الزائره لروضة ولدي البكر الله يخليه ويحفظه لي..
في البدايه راح اوضح تجهيزاتي للهدايا وبعض الأشياء للأولاد والبنات أحضرت للأولاد هديه عباره عن ساعه لعبة ولعبة جوال اسبونج بوب وغلفتها لهم بتغليفه زرقاء
والبنات لعبه عباره عن أغراض نيرس سماعه وبرواز واشياء ثانيه وشباصه وربطه وغلفتها بتغليفه ورديه
وبالنسبه للاكل عباره عن كيك سفن ديز سويسرول وسنكرز صغير ونوع اتشوكليت ثاني وبعض من حلاو التوفي
للاولاد حطيتهم في كوب ذهبي والبنات احمر
هنا المجموعه كامله
واخذت معي كتاب عباره عن قصه
وحطيتهم كلهم بهالكيس
وبالنسبه لصور ولدي ماكان عندي البوم فجمعت صوره اللي باللاب توب واخذته معي.اخذت صور له وصور لأخوه الله يخليهم ..........
رحت للروضه تقريبا الساعه عشره ونصف رحت للمديره وعلمتها اني الام الزائره وراحت لفصل ولدي وعلمت المدرسه وجاني ولدي وسلمت عليه وكان مستانس متقطع من الفرحه طلعت المدرسه وقالت اخليك معاهم
وماشاء الله البنات ولاولاد كلهم يدننون عرفت بنفسي وسألتهم عن أسمائهم وريتهم الصور وكان له صوره وهو باستاد الملك فهد حاضر مباراه للهلال وعليه الزي الهلالي وهومستانس بالصوره هذي وله اكثر من شهر يقول اهم شي يشوفونها اصدقائي,,,وريتهم الصور كلها صوره وصور اخوه....وبعدين تكلمت عن ولدي وشنو الاشياء الحلوه اللي يسويها كل يوم..وتكلمت عن مدرستهم ووشلون يحترمونها,,,وقريت لهم القصة وخليت ولدي يوزع عليهم الهدايا وكانوا حيييل مستانسين...
وبكذا انتهى يومي يوم الأم الزائره والسلام ختام