خالي من الكركبه ولعب الاطفال ..
وخصوصا ونحنا عاملين لهم غرفة العاب خاصة فيهم !!
بس ياترى هل الالعاب تقعد بس في غرفة العاب ؟!
ام
تتطلع وتتمشي في انحاء البيت .. ؟
خليني احدد ..
تتطلع وتتمشى ورانا فين ما كنا
يعني دايما الاطفال يحبوا يقعدوا مكان في احد وخصوصا مامتهم
ومن المستحيلات يقعد في غرفة لوحده ~
حتي لو كانت مليان العاب ..
طيب ايش يسير !؟
تفضل الام المسكينة راحية جاية .. جاية راحية ~
تودي الالعاب غرفة الاطفال ..
تخاصم هنا .. وتزعق هناك .. " شيلوا يا بزورة العابكم .. لا تخلوها متنتورة في البيت "
وطول النهار على دا الموال ..
وما تفرح ترتب الغرفة .. وتبغي لحظات من السكينة ..
بجد انجاز .. رتبت الغرفة ..
~
الا سويعات .. وتتدخل لعبه صغيرة من هنا ..
وتسير الغرفة بدا المنظر ~
اعتقد انو الكل حاس بكلامي .. ويقوول ايييوا .. هو دا الي يسير !!
طيب ايش الحل ..
ظهرك انكسر من الروحة والجية والترتيب ..
انا اقولك ..
لازم تؤمني ان الالعاب راح تنشر في غرفة الجلسة الحلوة ~
وتدخل كل يوم الغرفة .. مهما حاولتي انك تقصي رجلها ..
وانك ترضي بالواقع وتتعاملي معاه ..
وخصوصا الي عندهم اطفال كتتير ..
لازم تعبي نفسك وتجهزي روحك ..
بسلات خشب , بسلات كبيرة صغيرة .. بعلب
وتحطيها في غرفة المعيشة ~
عشان الالعاب الي تدخل الجلسة .. تتخزن في الجلسة ~
بدل ما تروحي وتجي .. وتجي وتروحي لغرفة الاطفال ..
طلوا معايا يا امهات .. ويا امهات المستقبل على غرفة الجلسة .. القميلة والرايقة ~
حلوة وبسيطة .. ونعومة ..
وما فيها اي شي مشوه المنظر ~
وتحوي لك انك عمليه وفيها ريحة طفولة .. ومغرية للاطفال ..
حتي الخداديات تنطق من الالوان ..
وقطنية ومريحة .. ومافيها خرزات ولا اشياء قابلة للبلع ..
+
اذا اتوسخت بس ترميها في الغسالة . .
شوفوا المفاجاة ,,
يالهوووتي ..
شايفين الي انا شايفته .. سحر دا والا ايه ههههههههههههههههههههههههه
الكنبة بكبرها .. تنفتح وتقدري تحطي جوتها اغراض ~
ما احد فكرة فيها صح .. ولا جى على باله يشتري زي كدا !!
بجد ناردا ما نفكر في كيف نخزن اشياءنا .. ولمن نجي نعمل البيت ..
ما تخطر على بالنا .. نحط لها اي اهتمام ..
اهتمامنا شكلي وخارجي وسطحي فقط !!
ما نفكر عميق ..
شايفين الكرسين اللطفين دولي ..يعني الاطفال يمكن يلعبوا بيهم كورة .. ههههههههههه
يعني مو بس للقعدة ..
تفتحي غطى الكرسي .. وترمي في الالعاب المرميه في الارض .. بدل ما تروحي غرفة الاطفال وتضربي مشوار ~
حتي الطاولة الي في نص .. تنفتح ..
هما هنا حاطين مجلات .. ممكن انتي تعبيها العاب ~
وممكن تستفيدي منها لنفسك .. وتحطي فيها اغراضك ..
حتي الطاولة تنفتح .. وتقدري تعبي فيها الالعاب ..
افضل انها ما تكون شفافة .. يكون شكلها احلى ~
يتبع