اولا ابارك لنفسي دخولي هذا القسم المبارك
بعد فترة طويلة عانيت فيها من الرهاب الاجتماعي تجاه هذا القسم بالتحديد((((التجارب والحلول المنزليه))))
كذا مدري ليه اذا شفته كني شايفه جني (((عووووووووو بسم الله الرحمن الرحيم ههههههههههههههه
اليوم حبيت افيدكم ببعض الافكار البسيطه
وبعضهااخذتها منكم
بس من باب تشجيع العضوات على تجربة الفكره
المهم طولت عليكم
نبدأ
اول فكرة
________________________________________________________________
هي : غسل الوسادات
دايم انا عندي مشكله من الوسادات/المخدات مدري كيف انظفها
توكلت على الله وحطيتها بالغساله وحطيت كلوركس مع التايد
غسالتي ال جي تعبا من الامام
والوسادات قطن مو ريش
وبعد الغسل نشرتها في مكان فيه تهويه جيده
وماشاء الله كل شوي اضم وسادتي من الفرحه
طلعت تلق وريحتها حلوة
واحسن من كل فترة نرمي ونجيب جديد
________________________________________________________________
الثانيه هي : ليفة الاواني السلك
انا اكره الليفات الي من سلك تعدم الايدين والاضافر بالذات
بس مضطرين لها
لكن بعد ما استخدمت هذا النوع ارتحت من هالمشكلة
اللي يجي اسفنج وجواته سلك
_________________________________________________________________
الثالثه: المواعين بعد العزايم/ ورائحتها
قبل كم يوم كان عندي عزيمة
وامتلى مطبخ الطبخ بانواع المواعين
وماكنت قادرة اغسلها بنفس اليوم
فسويت الطريقه اللي يكتبونها البنات دايم
جبت طشت/ كروانه/طست/مسبح بعد لو بغيتوا هههههههههههههه
وحطيت المواعين فيه
وجبت ثاني حطيت الاكواب والفناجيل والاشياء اللي ما فيها زيت
وصبيت على كل واحد مويه ومطهر
ومن بكرة غسلت
وكل شي تمام لا ريحه ولا زحمة
__________________________________________________________________
فيري بجمال اولاي
شريته وانا فرحانه على بالي باكون انعم وحده
للاسف سيء جدا
ريحته مو حلوة
وماا حسيتت بنعومه عن النوع العادي
________________________________________________________________
مع الفيري احط شوية مطهر
خصوصا اذا فيه زيت وزفر
احسن من استخدام الكلوركس واامن
__________________________________________________________________
تنظيف الشوايه الكهربائية
بعد الشوي فيها طبعا تحتاج تنظيف
وانا خبركم ركيكه<<<رقيقه
ما عرفت افكها
وبعد ماودي تنفك وتصير سهله
فصرت اذا بردت جبت منشفة فيها مويا وحطيتها جوا عشان تلين
وبعد وقت انظفها باسفنجه ناعمه
وتتنظف بسرعه
___________________________________________________________________
طبعا لازم نغير اسفنجات وليف التنظيف كل اسبوع اوعلى حسب استخدامك
عشان ما تصير ريحتها مو حلوة وتاثر على المواعين
________________________________________________________________
ولازم تحطين ليفه للقدور وليفه للزجاج
______________________________________________________________
التنظيف السريع (عالماشي)المستمر ((كل يوم او كل يومين
احسن من التنظيف العميق كل فترة
عشان ما تلصق الاوساخ وتتغير الوان الدواليب او الارضيات والثلاجه
________________________________________________________________
بتلاحظون اني موسوسة بالروائح
بس اعجبتني مرة الحركه اللي قالوها البنات
قدر على النار وتحطي فيه
فانيلا
او زيت عطري
يعطر البيت ماشاء الله
________________________________________________________________
وهذي طريقه
تحطين قطعة قماش معطرة باي عطر تحبيه وتحطينها بين ارياش المكيف
الصراحه انا ما احسها قوية
بس اختي تسويها وتحبها تقول مررةحللوة
اتمنى تكون المعلومات هذي اعجبتكم
كانت معكم روبا النظيفه:27:(((فرحانه اني دخلت هالقسم
انا من كثر ما اقرا من العضوات عن تنظيف المطبخ تنظيف عميق مره بالشهرصرت موسوسه تجاه مطبخي لاني اتبع تنظيف كل يومين شامل فاحس اني مونظيفه واذا دخلته جاني توتر هل هذي اللي انا اسويه نظافه واذا جيت انظف ما احس يطلع فرق كبير يبقى هوه هوه معناته م الاساس نظيف>>>>>>>>>>فهمتوا شي