حبيت اقدم موضوعي هذا مرجع لكل معلمة اقتصاد منزلي على وجه الخصوص والمعلمات بجميع التخصصات عموما لأنه ممكن تقتبس نفس الفكره وتحورها باللي يناسب درسها ...
بقدم بعض اوراق العمل اللي استخدمتها كتقديم للدرس او تقويم بنهاية الدرس ... ممكن تطبعونها وتستعملونها نفسها ... او وهو الاهم انكم تقتبسون الفكره وتحطون اللي يناسبكم ...
الاوراق هذي راح تستفيد منها معلمة المتوسط اكثر لان هالدروس كانت للمتوسط ...
وهذي افكار بعض الدروس ولو احتجتوا شيء لايردكم الا لسانكم بساعدكم باللي اقدر عليه ...
بسم الله نبدأ...
اولا : درس شغل وقت الفراغ للصف الاول متوسط
استخدمت فيه هالوسيله تقديم للدرس ممكن تستعملينها ورقة عمل او تكبرينها وتحطينها على فلينه وتتركين الطالبات يشاركون فيها بانفسهم بالكتابه عليها وهذا هو الافضل وهي الطريقه اللي استخدمتها ...
(أي وحده مافهمت فكرتها ممكن اشرحها لها بس اتوقع واضحه )
ثانيا : درس الوجبات السريعه للصف الثالث متوسط
وهالفكره برضه تقديم للدرس بحيث اني وزعت عليهم هالكروت مغلفه بتغليف شفاف ووزعتها عليهم كمجموعات وعادي لو تكرر الصنف لمجموعتين مثلا ...
كل مجموعه لها كرت واحد تستكشف الصنف اللي فيه
ثالثا: درس الفضائيات والانترنت للصف الثالث متوسط
وهذا انا جربت اني اقسم الموضوعين بحصص منفصله يعني اسبوع للفضائيات واسبوع للانترنت وذلك لاهمية كل موضوع منهم واحب اذكر في كل موضوع قصص وامثله ونتحاور ونتناقش فيهم عشان كذا ياادوووب تكفي الحصه لهم ...
هذي ورقة عمل اما توزعينها عليهم او تكبرينها وتعلقينها على فلينه كل درس مستقل لحاله
هذي للانترنت
هذي للفضائيات
وبنهاية الموضوع كله استخدمت ورقة عمل تقويم وزعتها كمجوعات بين الطالبات يتحاورون فيها ونحتحاور فيها بعد خمس دقائق وحطيت نموذجين مختلفين عشان انوع المواقف....
رابعا: درس الاجهزه المنزليه الحديثه
هذي استعملت فيه ورقه تقويميه نهائيه بنهاية الدرس استخدمتها بالطريقه هذي ...
(هذي ممكن جميع التخصصات تستفيد من فكرتها لدروسهم )
خامسا: درس الغذاء الكامل
استخدمت ورقة عمل تقويميه بنهاية الدرس بنفس الفكره السابقه ولكن مع اختلاف بسيط بالفكره عشان التنويع والتغيير ...
هذا اللي عندي حاليا من افكار ... وان شاء الله تستفيدون منها
ماابي منكم الاخالص الدعاء على الاقل عشان تعبي بهالموضوع عشانكم
والله يوفق الجميع واي استفسار عن أي وسيله انا حاضره .... :26:
وجزاك الله خير ....