السلام عليكم ورحمة الله وبركاته
,
,
تحية رائعه لكل من دخلت موضوعي
,
,
البداية : كل عضوه تكتب الرد اللي يمثل شخصيتها وارفض تماما ترد علي وحده ماتثمن كلمتها وتتلفظ وتدعي وتسب ماتلزمني
تعريف بنفسي : شابه جامعية مثقفه صاحبة اخلاق ودين بحكم الجميع هاديء الطباع طيبة القلب حنونه كريمة سخيه معطاءه من قبيلة معروفه وضعي المادي ممتاز بنت راعية بيت وطباخه ورسامة عمري 30 سنة
وضعي الصحي : كنت مثلي مثل غيري اتمتع بصحه وعافيه وكان لله اراده والحمدلله على قضااءه وقدره واشهده برضاي عن قدري وذكري له ماهو شكوى ابدا لكن اخبار بالحال اصبت بعده امراض بالمخ ولانه المخ هو مركز التحكم بالجسم كله فسبحان الخالق جزء صغير ياثر بالجسم كله وهذا اللي صار .. الان اعيش صعوبات بالمشي والحركه و وقتي امضي كثير منه بكلمة آه مع الالم احاول اكتمها لكن ماباليد حيليه احيانا اعيش كانه كهرباااء تضرب بجسمي كله واحيانا الم كانه احد يخنقني واحيانا الم ببطني شديد جدا تحريكي ليدي ورجلي يعني الم مضاعف مافيني طاقه وقدره النوم مع الالم ما اتهنى فيه احاول اصمد وابين للناس اني طبيعية ولما احد يسالني ايش فيك اجيب الاعذاب العادية الدورة مصدعه مانمت زين .. لبسي محتشم بفضل من ربي لكن الان ما اقدر البس كم قصير يدي كلها اثار الابر من التحاليل والعلاجات الطبية.. صرت رفيقة المستشفى كل كم شهر اتنوم ...اترنح في مشيي .. احيانا ما اقدر اكل واستعين بانبوب التغذيه بالمستشفى .. وكثير جهاز التنفس بالمستشفى ..وكل مره يفاجؤوني بمرض جديد واقول الحمدلله والشكر له وحده واشهده واشهد خلقه على رضاي بقدري
وضعي الاجتماعي : غير متزوجة وانا حلمي مثل حلم اي بنت يكون عندي زوج وابناااء وطفل اضمه واسمع منه كلمة يمه يحزني الان مع النجاح اشوف صديقاتي عيالهم يحتفلون وابارك لهم واهدي لهم في مواليدهم الجدد واحيانا في الوقت اللي انا اتقلب الم في المستشفى صديقة من صديقاتي تتقلب الم من الطلق بالمستشفى بس فرق بين الالمين النهاية انا ينقالي لي الله يشاافيك وهي يقال مبروك ماجبتي انا مو حسووده والعياذ بالله والله يوفقهم تجيي فلانه تشتكي زوجي ما خلاني اسافر هالسنه وبنت عمي زوجها وداها للدولة الفلانية ابتسم وفي قلبي حسره انا اشيل ملابسي واغراضي داخله للمستشفى واشيل اغراضي طالعه من المستشفى
يوم شفت طفل يركض ربي يحميه مين هذا هذا ولد فلانه صح صح ذكرت فلانه تزوجت يالله تزوجت وجابت ولد والولد كبر وركض ربي يسعده ويسعدها حمدت ربي على قضاءه وسحبت نفس عميق الله يهني الجميع بعطائه سنوات فيها البنات تزوجوا واللي اصغر مني وبعمري واكبر تزوجت السنوات انا اعيشها الم وتقلب بين الاوجاع والمسشفيات وعمليات جلست افكر الشباب الللي بعمري تزوجوا
وجابوا عيال وانا باقي واللي ماتزوج وهم قليل مايبي بنت مريضة يبي متعااافيه يبي بنت فيها العافيه مشدوده وتخدم تغسل تكنس تلببي شروطه انا ما اقدر
الان افكر اتزوج متزوج ابي يكون عنده زوجه زوجه تشيله وتشيل همه
انا ابي زوج يمكني اصير ام واجيب طفل ابي طفل يصير لي سند في كبري
انا ضد الزوجة الثانية ولا يوم توقعت بفكر اكون الثانية والا الان ما اقدر اتقبل لكن الواقع فارض نفسه بمرض ثقيل علي
اانا افكر الزوجة الاولى وافكر في نفسي
انا ماسويت جريمه مثل ماخطبها من بيت اهلها خطبني
مثل مادفع مهر لها بيدفع مهر لي
مثل ماهي تزوجت رغبه بالامومه والحياة الزوجية انا مثلها
واقع صعب
واحلامي اني اعيش طبيعية مثل غيري مثل ماكنت
صار حلم صعب
كتبت موضوعي
وانا اتقلب بالالم وطالع بايدي كلها بقع حمراء ونبفسجيه من اثار الابر
وجهي صرت اكره اشوفه بالمراية من كثر ما المرض اثر فيه ووحده من العيون ما اقدر افتحها بسرعه وانا والله العلي العظيم ما ابي شااب ما ابي اضر احد لكن الشباب مايبون مريضة والله المعين
اتمنى لك وحده قبل ترد تتخيل نفسها مكاني ولو هالاقدار كانت هي صاحبتها ايش بتسوي
انتهى موضوعي
صعوبة الاحلام @saaob_alahlam
عضوة جديدة
هذا الموضوع مغلق.
يعني ماتآخذ معدد إلا المريضه
التعدد من شرع الله أباحه وهو رحمه بالمرأه قبل الرجل
يحق لأي إمرأه الزواج بمعدد والعواطف نخليها على جنب ( سمعنا وأطعنا )
أسأل الله تعالى أن يرفع عنك البلاء والضر وان يرزقك الزوج الصالح اللي تطيب به نفسك ويعينك وتعينينه على امر دينكم حتى لقائه
أسأل الله تعالى أن يرفع عنك البلاء والضر وان يرزقك الزوج الصالح اللي تطيب به نفسك ويعيعينك وتعينينه على امر دينكم حتى لقاءه
الله يشفيك شفاء لايغادر سقما يارب ويرزقك الزوج الصالح والذريه الصالحه عاجلا غير اجلا يارب اكثري من الاستغفار حبيبتي واتكليعلى الله الحي القيوم الله يفرجها علينا وعليك عاجلا غير اجل
أسأل الله تعالى أن يرفع عنك البلاء والضر وان يرزقك الزوج الصالح اللي تطيب به نفسك ويعيعينك وتعينينه على امر دينكم حتى لقاءهأسأل الله تعالى أن يرفع عنك البلاء والضر وان يرزقك الزوج الصالح اللي تطيب به نفسك ويعيعينك...
الصفحة الأخيرة
ولك حق تتزوجين انتي زهره وشابه اذا جاك الصالح تزوجي بس لاتقولين ابي متزوج ماتدرين يمكن يجيك واحد ماتزوج ويوفر لك كل ماتتمنينه
واذا جاك متزوج وتبينه وافقي عادي اهم شي التوفيق والرااحه لك
وانا حاسه ان ربي بيرزقك واحد بيحطك بعيونه ان شاء الله
والله يعجل بفرحتك ولايحرمك من الامومه قولي امين ربك كريم