افيدوني بين طليقي و زوجي الله يحفظه

السلام عليكم و رحمة الله و بركاته
بقول لكم سالفتي تزوجت واحد عن طريق خطابه و حبيته و على كلامه يقول كان يحبني بعد شهر و نص اكتشفت انه مزور اوراق الزواج و انه كذب عليه و انه ما يحب الحريم عفانا الله قمت رفعت عليه قضية لاني ما رضيت انه يخدعني و حزنت على ابوي حسيته انكسر يوم عرف انهم كذبوا علينا حبسني في شقته و فصد الكهربا عشان يضغط عليه اطلع من بيته وانا رفضت قلت ما بطلع الا بورقة زواج رسميه و ورقة طلاقي...المهم دخلت في دوامة المحاكم قريب السنه و عقبها عطوني ورقة زواج رسميه حاولت اني ارجع و اعيش في بيته لكن رفض خلاني على ذمته و بدون ما يصرف ولا يهتم و كل ما اكلمه يقول يحبني في التلفون و افعاله تقول العكس مرات يسوي لي بلوك وابوي الله يرحمه توفى و هو ما حضر العزا ولا عزا لي بالرغم اني بعدني على ذمته و ما عندي اخوان شباب هو يعرف ما وقف معي في عزاء ابوي الله يرحمه ..و هو يعرف اني ميته عليه عموما بعد ٣ شهور من العقد الجديد طلبت الطلاق بالضرر إهمال و هجران بعد سنه و نص في المحاكم عطوني ورقة الطلاقة و انا اللي اصريت على الطلاق بالرغم اني احبه بس هو ما عطاني مجال اعيش معه ولا فتح لي بيت و أسلوبه معي كان مب زين و يوم الطلاق انا اتصلت عليه على احتمال ان ربي يهديه و طلعت معه و عاشرني معاشرة الازواج ( معناته رجعني على ذمته ) قلت بصبر و بسكت المهم بعد شهر اقول له روح ثبت رجعتنا في المحكمه قال انتي مش على ذمتي ولا تكلميني و عزي نفسج ( سوا لي بلوك ) انا بعدها قضيتي في المحكمه اخذت ورقة الطلاق بس ما اخذت النفقه و مرت فترة العده ولا اثبت رجعتي رحت المحكمه عطوني ورقة انقضاء فترة العده بدون رجعه فيني حسره و فيني قهر ظلمني الله لايسامحه بعد ٦ شهور تقدم لي واحد (محترم و يحبني بس اصغر عني بالعمر و انا شكلي بنته شكلي بيبي فيس )و سالت القاضي قال اذا هو ما اثبت الرجعه هذا في ذمته و تزوجت واحد ثاني بس كل يوم افكر فيه يمكن لانه ظلمني و زوجي الثاني يعاملني كإني بنته و يدلعني حبه و احترامه لي يكفي و صح انه ماديا ما يقصر بس على قد حاله ...التفكير بطليقي ذبحني بالرغم انه ما عاملني باحترام يوم كنت على ذمته كنت ابغيه يكون زوجي و ابو عيالي لكنه حرمني من اللي اباه و خدعني حسبي الله عليه .حاول في المحكمه انه يطلع براءه ( من قضية تزوير الاوراق و من قضية انه حبسني بالشقه و فصل الكهرباء وانا داخل الشقه )و طلع براءة من كل شي لانه عندهم واسطه قويه شو اسوي بالتفكير و بخصوص زواجي الجديد احاول احبه والله و احاول أسعده لانه صدق يحبني
ملاحظه طليقي علقني فيه بالكلام انه يحبني واني له و انه حتى لو صار طلاق بيرجع يتزوجني مره ثانيه اللي طلع كله كذب احترررررت و للعلم لما كنت على ذمته كنت احاول اوصل له و اقول يمكن ربي يهديه و اتصلت ليه كم مره راح اشتكى عليه بالمركز قال لهم زوجتي تزعجني بالمكالمات و بالرغم اني كنت اروح له الدوام ابغي اشوفه و اكلمه و ما اقول لهم زوجته عشان اخاف يحرجني قدامهم ...بالرغم هو لا شكل حلو و عمره ٤٠ و انا ٢٦ و ماجيستير و عندي شغل خاص فيني و جميله جدا الحمدلله