اقرو قصتي وإنصحوني

بسم الله الرحمن الرحيم
السلام عليكم ورحمة الله وبركاته
اخواتي أنا متزوجه من 9شهور ولله الحمد
ومبسوطه بحياتي وبزوجي لانه طيب ومو مقصر معي ويحبني مره وانا أكثر:32:
وانا اروح لأهله يوميا إذا طلع زوجي لأنا ساكنين بنفس العماره
وزوجي من إللي ينامون بدري عشان الدوام
ومره دخلت البيت الساعه11 ولقيته باقي صاحي استغربت
واليوم الثاني نفس الشي شكيت بالموضوع
وبديت أفتش جواله وعرفت إنه يكلم بنت ويوم يسمعني أفتح الباب يسكر
المهم بعد ماراح الدوام بديت أدور عن الأرقام إللي شاكه فيها بالفواتير وبجواله القديم لأنه تاركه بالبيت مايستخدمه
لقيت رسايل بالجوال القديم منهم ولقيت بالفواتير أرقامهم بس بين فترات متباعده
يعنيي كل اسبوعين مره واحيانا أكثر من اسبوعين لكن عرفت إنه يعرفهم من قبل الزواج
لأن وحده ارسلتله رساله تبارك بالزواج لقيتها بجواله القديم
المهم اللي شكيت فيهم رقمين ويومها ماعرفت أنام الليل ويوم داوم قعدت افتش وزاد همي ومانمت إليييين جا من الدوام
وكنت طابخه الغدا وتغدينا وأنا أحاول ماأبين شي ......لكن هو يعرفني إذا متضايقه
كل شوي يسألني شفيك؟ اليوم مو طبيعيه؟أحد مزعلك من أهلي؟ وأنا أقوله لا لا لا
إلين حسيت إني مأفدر أتحمل مع إني باقي ماتأكدت من الأرقام بس مجرد شك
المهم وإحنا قاعدين وهو يحاول يسولف ويمزح وأنا أجامله وهو يحاول يطلعني من جوي
حسيت إني لازم اتكلم ناديته بإسمه رد وش فيك قلتله بسألك سؤال وسكت أنا قام سكر التلفزيون وقال قولي إللي عندك أنا حاس أن فيك شي
قلتله إنت تكلم بنات؟تغير وجهه وقال ليش تسألين؟قلت جاوبني بصراحه؟قال لا
ليش؟أنا بكيت وقتها وقلتله أنا شكيت برقم
قال لا ماأكلم وضمني وأنا أبكي وهو يهدي فيني الين هديت وسألني وش اللي خلاك تشكين؟ عشان لقيتيني صاحي هذا مو سبب والمفروض تكوني واثقه فيني أكثر قلتله أنا والله واثقه بس هالأيام مدري ليش شكيت
قال اسمعي أنا لو باأكلم مارح أكلم بالبيت أباقعد بالسياره وأكلم ومارح تدرين؟ وبعدين المفروض إنك تاخذين الأرقام تتأكدين إنهم بنات أو لا قلتله لأ مأخذتها قلت أتأكد منك وأنا متأكده إنك مابتكذب علي؟ فال لأ غلط سؤالك أنا حتى لو أكلم مابقولك إ‘يه أكلم ؟اللي يقول كذا لزوجته هذا يعني إنه مايحبها ولا تعنيله شي يعني عادي يجرحها
المهم وتصافينا وقالي صدقتيني قلتله إيه
بصراحه ريحني بكلامه وصدقته
بس كل ماراح الحمام الله يكرمكم أدور في جواله رسائل أبدا مألاقي لأنه يمسح كل الرسايل
المهم مرت فتره ماشفت شي لا صادر ولا وارد
وبعد شهر يمكن كنت عند أهلي و لقيت ‘نه داق على وحده منهم بس ماردت وأرسلها رساله مدري وش فيها لأنه يمسح الرسائل وهي ماعاد دقت بعدها دقيت أنا اليوم الثاني من جوالي بفس الوقت اللي يكلمون بعض ردت علي بس سكرت
توقعت إنها ماتبي ترد عليه وبعد فتره لقيته داق عليها وما ردت ورجعت أرسلت كولمي بس بعد مانام فما دق عليها
وبعدها ما شفت شي على ذا الرقم شفت إنه كلم الثانيه لمدة ربع ساعه بعد كنت وقتها عند أهلي
يعني هو يكلم ‘إذا كنت مو موجوده وش أسوي لازم اروح أزور أهلي مره بالإسبوع وأتأخر عندهم
ماعاد فاتحته بالموضوع أخاف يقولي لا تفتحين جوالي أويحط له رقم سري أويطلع شريحه ثانيه بعدها مابقدر أعرف شي
ومعاملته لي مره حلوه أخاف اسوي شي وينقلب علي في نفس الوقت أبموت من القهر أسعفوني بنصايحكم الله يسخر لكم أزواجكم وإللي ماتزوجت الله يرزقها ولد الحلال إللي يسعدها