اقولكم عن تجربتي من خلطة مبارك الاشقر

السلام عليكم ورحمة الله وبركاته


حبيت اقولكم بعد تجربتي من خلطة مبارك الاشقر لازالة اثار الحبوب


ما شاء الله تبارك الرحمن نتيجة من اولها تبهر


اولا اقولكم عن المشاكل فويهي
حبوووووووووووووب شباب شويه بس الاثار ياااااللله يا كثرها

قلت اجرب خلطة مبارك الاشقر لازالة الاثار وهي:
بطاطس مسلوقة
نص برتقاله مسلوقة
ليمون مسلوقة
4 بياض بيضات
ملعقة كبيره نشا
نخلطهم فالخلاط ونحطهم على الويه لمدة 30 دقيقة ولازم ثلاث مرات فالاسبوع
طبعا الكمية بتكون وايد وانا احتفضت فيها بعلبة حفظ الاطعمه وقلت كل اسبوع بغيرها حرام ارميها جذي


المهم اول مره استخدمتها اول ما غسلته والله والله ان الحبوب برزت لبرا وصارت المادة البيضا على الراس متجمعه وودها تنفجر :22:
واختي نفس الشي بعد بس نحن غلسنا ويوهنا اول بالماي وبعدها قعدنا نفرك ويوهنا بالمقشر الحبيبي (استخدمت مقشر البابايا) وبعدها غسلنا مره ثانية ونشفنا وعقب حطينا الماسك كان بارد شوي لاني حطيته بالثلاجة

وخليناه مدة نص ساعه ويوم غسلت حسيت حبوبي بارزة تعوووووووور اااااااااي :hahaha: اثريها بارزة لبرا وودة تنبعط وتصب ووووع :09:

بعدها رشيت ويهي بماي الورد البارد والحمدلله مستانسة عليه وااااااايد هالماسك وادعولي ربي يصفي ويهي ويرجعه مثل اول واحسن ..

والله شكلها عوينه صابتنا انا واختي قلبت ويوهنا حبوب واثاره :eek:

اتمنى من البنات الي يعانون من نفس مشكلتنا يجربونها ويقولون عن النتيجة ويفيدونا بعد :)



سلالالالالالالالالام