انا عمري 17 ابوي اجبرني بالزواج من واحد عمره 33 يعني اكبر مني ب 16 سنه تقريبا
ما كنت راضيه بس ابوي الله لا يسامحه ولا يسامح اهله
كان متنازل عني بشكل كامل بالمحكمه وبصك هجران اب وكل شي اللهم الزواج انتو عارفين لازم وجود الاب
وزوجني ذا الادمي اللي ما ينبغى
يا عالم والله مو مرتاحه .. يسب فيني ويتشمت فيني وانتي وانتي واهلج مو عدلين واهلج ناس ماهي بزينه ما ضل سبه الا وقالها
ودايم يهدد ويشك
هو كانه شايب ع بزر مادري شلون اشرح لكم
عقليته كلش كانه بزر يسترجل غصب كانه حرمه بنفس الوقت هو ووسوالفه
اهله كانو ممشينه بكيفهم فصار يتمرجل علي ومقصر معاي بواجد اشياء ودايم يعلق ع جسمي يقول يع جسمج مو حلو يع فيج بطن انا قبل اشوف بالافلام مافيهم بطن يع زنودج كبار يعني ذي خلقه ربي شسوووي
وبعدين ترى والله جسمي عادي انا طولي 156 ووزني 55 كذا حولها ابدا جسمي مافيه عيوب
والمشكله دايم يقول انا رشيق وانا مافيني بطن وانا الناس تحبني وانا وسيم وهو والله لا جسم عدل ولا بطن مشدود م غير يمدح في نفسه
وعلى قولته الناس منعجبين فيه وانه مخقق العالم وبنات خلق الله 
وانا الخايسه وانا اللي جسمي يفشل
والله جسمي تماام وبطني مرررهه خفيييفف بس كل شي مو عاجبه فيني من اطلب شي قال لا ابي اروح لاختي لا بطلع مع اخوي واختي لا جيب لي هالشي لا ابي ملابس للشتا لا
تعبت نفسيتي والله ماا اتحممل والمشكله اذا تطلقت محد يبيني وانتو عارفين ان البنت المطلقه كلن يشيل يده عنها واذا ابوي شايل يده من قبل كيف اذا تطلقت
شوفو لي حل والله مو مقصره معاه صايره له عبد مأمور بس مو نافع وياه
ومن ايام الملكه رجعت قلت مابيه ابي انفصل كلن شال يده محد يبي يدفع خساير وانا اللي ابتلشت
صعبه تعيشين مع واحد مغصوبه عليه وتكرهينه ويعاملج باسلوب قليل ادب ويهينج لا وفوق ذا وصخ مافيه نظافه كلش ياخ تحوم كبدي
المهم اني اكرهه نسيت اقول لكم انا امي توفت وانا عمري 3 سنوات ونص تقريبا
فمالي احد هذي المشكله واني ماعندي القدره اني اتحمل اعيش اكثر وياه واتقبل تصرفاته
كل ذا غير فرق العمر يعني كل واحد عقليته غير
وااكرخه واكره امه من ايام الخطوبه تعلط وتدعي علي مع ان والله م ضريتها بشي لا وتهدد انها تعلقني 40 سسنه
يعني واضحه وضوح الشمس قصدها بتسوي طبوب وسحور وحتى بنتها كلمتني واتس تهاوشت وياي ونفس الشي تقول بخليج برواز
وانا اصراحه خفت وانتو عارفين هالايام كل شي عندهم طبوب وسحور هالناس
وبس والله اتمنى تلقون لي حل وياه