اكررره بيت اهلي

احنا عائله مربيه على ان الولد كائن مقدس
ع انه كائن عيبه بجيبه ع انه اهم من البنت
انا انسانه اعااااني من صغري من هذا الشي وكان يقال في وجهي هذاااا ولد باسلوب مستفز لدرجه اني صرت احتقر نفسي كنت اجيب شهادتي لابوي وكان يوقعها ومايناظرها اما اخوي كان يناظر نتيجته ويناقشه ويجيب له مدرسين وكان مهتم فيه اشد اهتمام اما انا لاااا مهمله لولا امي ماصارت موظفه كان مت جوع
كان يعاملني معامله قاسيه مايحسسني اني بنته وماكنت احس انه ابوي واشيا كثيييييره ودي اكتبها لكن بيصير مجلد وبتملون من قراءة مشكلتي .... ودي افضفض ودي اطلع كل اللي بقلبي تعبت وكبرت وانا اعاني صرت عطشانه حنان ابي احد يحظني يمسح ع راسي ابي زوجي يعوض هالشي فيني لكن زوجي جاف نوعا ما لامشاعر ولا حب ولا صداقه ولحد الان احس بالعطش حتى بناتي اثرت عليهم باسلوبي صارت بنتي تقولي انتي ياماما نفسيه والله هالكلمه جرحتني حييييل ومعاها حق في كلامها احس حياتي قبل لحد الان مأثره فيني رحت لدكتور نفسي وصرف لي علاج انتابروا وارتحت كثيييير له وصرت انسى واطنش واضحك الحمد لله وتغيرت نفسيتي لكن الدكتور قال لي لما تنوين الحمل لازم تتركينه قبل بشهرين وتركته واحس رجعت لي الحاله اكره نفسي وحياتي وبيتي
حتى عندي اخوان مأذيني ومسيطرين ع ابوي وامي لدرجه مالامي ولا ابوي كلمه عليهم وكله من تربيتهم لهم
يجي لبيت اهلي ويتحكم ويامر وينهى وياويل اللي يخالفه تقوم قيامته علينا وعلى امي لحد ماامي امرضت منهم والحين تعاني ومن مرض لمرض الله يخليها ويشفيها
الحين امي بحاجتنا وهم جالسين لنا احنا البنات ع الحبه يتصيدون الزله ويدورون المشاكل مجرد ماندخل البيت لدرجه اني نفرررت منه وصرت اكره اجي واقول لامي تبيني اجي مااقدر تعالي عندي في البيت لان بيتك كله مشاكل وعيال ماعندهم احترام لا لابو ولا ام ولا اخت المشكله انهم متزوجين بس قلبوا بيت اهلي ديوانيه لهم ولربعهم لدرجه مانقدر نطلع للحوش الا بعبايات
اخوان متمردين كرهتتتتهم شر علينا
مانتقابل ع سفره الا نتخانق
اليون وقبل اذان المغرب تخانقت مع اللي اصغر مني خناقه سمعوها الجيران كله ليش اخذا سواق امي وهم مادفعوا فيه ولا ريال ولا عليهم من راتب ولا شي بس يحبون التسلط عندهم جنون العظمه وهذه نتجية تربيه اهلي لهم ودعيت عليه ام الله ياخذه عاجلا ليس اجل الله ينتقم لي منهم
لاتجي وحده وتقولي حرام تدعين عليهم الللي يده في النار مومثل اللي يده في الما
والله اني اكتب لكم وانا اصيح بس مااقول الا حسبي ع الظالم كتبت لكم مشكلتي ابي افضفض تعببببت من الكتمان تعبببت الله
لايحطكم في مكاني قولوا امين


بنات ادعوا لي احس اني بموت من من التعب والتفكير احس روحي بتطلع