اكرههم اكرههم اهل زوجي ؟؟

السلام عليكم ورحمة الله وبركاته ..

هاذي اول مرة اكتب فيها في عالم حواء للعلم اني متابعه من زمان واللي خلاني اكتب مشكلتي هو ضيقتي وتعبي النفسي .. اهل زوجي طهقوني زهقوني مللوني .. ريلي من احسن مايمكن .. خلوق ومصلي ويخاف ربه ويحبني حب ماله حدود لنا ثلاث سنوات متزوجين عمرنا مازعلنا مع بعض يحبني ومايرضى علي .. لو تعبت يكون لي الطبيب ولو تضايقت يشيل همي .. يوقف معاي في كل موقف وعمري مااشتكيت منه او طلعت من بيتي زعلانه او حتى نمت وانا زعلانة منه ..

بس اهله جنوني يطلعون علي كلام ويوقولون قلت وقلت ويخلون الناس يجون البيت ويواجهوني .. ناس بلا اخلاق بلا ادب ..

ظالمين .. حسبي الله عليهم .. احبهم وكل عصرية اسوي طبق حلو واوديه معاي لهم .. واسولف معاهم واضحك واحب امه على راسها .. ودايما اضحك في ويه خواته .. ويوم اجي عند امي الجمعه والسبت يتصلون الناس ويقعدون يسبوني يقولون ام ريلج قالت انتي قايلة كذا وكذا عنا .. ويتمون يسبوني .. واسكت ومااواجهم .. لين صارت مشكله من يومين ام ريلي الله لايسامحها .. قالت اني قايلة كذا كذا عن خالتي وخالتي اتصلت زعلانه وماقدرت امسك نفسي وواجهتها ويوم واجهتها قالت انا ماقلت .. ويوم تقابلت مع خالتي في العزومة لمت عليها وحبتها قالت لها لاتصدقينها هاذي كذابة هي قالت كذا وكذا وبتصدقون لو اقولكم الصدمة الكبرى (( ام ريلي هي خالتي اخت امي من لحم ودم )) وانا بنت اختها وهي اللي ربتني .. انا خلااااااااااص حلفت وحلفت اني ماروح لها ولاكلمهم ولا اقعد معاهم على سفرة .. انا في ملحق برع وريلي يوم اشتكي له يقولي انا بنيت لج ملحق كبير عشان ترتاحين منهم وانتي تروحين لهم وتعورين راسج معاهم .. شوروا علي بنات لو قطعتهم اللله بيحاسبني .. بس هم ضروني ودايما يضروني ويكرهوني وانا الحين حامل وتعبانه حدي .. وهم يحرقون قلبي وانا اسكت واعديها لهم .. بس خلاااااااااااص طفح الكيل :44: ودي اطلع من البيت بس حرام الملحق خسرنا عليه فوق 100000 ريال والحين قاعدين نكبر فيه ونبني حجرة للعيال ونكبر الصالة .. شوروني بنات واللي يقرى مشكلتي يدعي لي بنات ان الله يعمي عيونهم عني ويبعدهم عني .. ريلي يقوولي انتي طيبه زيادة عن اللزوم وعشان جذي يغلطون عليك .. لدرجة مرة اخته قولتني كلام ويوم واجهتها كانت بتضربني بالطاولة اللي جدامها وكنت حامل وقتها .. وريلي تهاوش معاهم وماكلمهم بس عقبها انا اللي قلت له تتزاعل مع خواتك كيفهم بس امك لا .. ورجع لهم ورحت انا حبيت اخته على راسها لانها كبيرة اكبر مني .. خلاص بنات ماقدر اكتب عيوني تحرقني من البكي تعبت واااااااااااااااااااااااااااااااااااااااااااااايد :44: