اكره اخويه ....

السلام عليكم ورحمة الله وبركاته..
راح ابدأ لكم بمشكلتي على طول
انا من عيله ملتزمه ومحترمه الحمدلله وسمعتنا كويسه...بس عندي اخو ما ترك احد وما خرب سمعتنا عندو بحركاتو ..جيران.اقارب.وحتى ناس يكونو مررة طيبين معانا فجأه ينقلبو بسببو..يعني مثلا يكون محتاج سيارة يروح لاي احد يعرفو ولا مايعرفو باي مكان يدقدق ويترزل عليه عشان يوصلو ويكون داك مو فاضيلو..ولا يروح يطلب فلوس من الناس ومرات من اقارب بس بعيدين ما نشوفهم دايما بطريقة زي وجهو والمشكله الناس يصدقو ..لا ويقول لقبنا والحمدلله احنا عيله مو محتاجه عندنا اللي مكفينا بس هوا يطلب شي زيادة عن حاجتو..وعندو مكافئتو وابويه بيعطيلو كمان..ولو نسالو ليش كدا تسوي يقول ابغى اخرب سمعتكم..ولما ابويه يعصب عليه ويخاصمو يجلس ساكت بعدين يخرج بره يسبسب في ابويه قدام الناس والحمدللله ابويه محترم والناس عارفينو بس برضو في ناس متخلفين يسمعولو..يعني ابويه ما بيهزئو الا لما بيكون سوا غلط مو كدا عالفاضي.. وخايفة انو ما انخطب عشان وجهو "كم واحد يقولّو دا الكلام ماتخاف على سمعت اخواتك" قال تعالى..ولا تزرو وازرة وزر اخرى..بس الناس دحين سارت تحكم من الاخوان..الحمدلله على كل حال..وماخفي اعظم..ولو اقولكم كل شي عنو يمكن ما تصدقو انو دي الصفات كلها فشخص واحد..بصراحة انا خلاااااص نفسي يموت ويريحنا تعبت منو..ولو اكلمو انو ليش كدا تسوي يجلس يضحك ويستهبلي..و...وبس حبيت اخرج اللي فقلبي وآسفه عالاطاله.. ادعووولي لانو نفسيتي زففففت منو