السلام عليكم .... كيفكم بنات وحوامل يارب تكونوا بالف خير
والله يسهل على كل حامل ولادتها ...
الحين بعد السلام الحين نجي للقصة بالتفصيل الممل واللي ماتحب القصص الطويلة تشرد هههه
طبعا انا عندي ثلاثه اطفال الاثنين الاولين جبتهم طبيعي والاخير عملية فمجربه الاثنين الحمد لله وبحملي هذا من يوم قالت لي الدكتورة انو الراس نازل من الشهر السابع فرحت قلت الحمد لله بولد طبيعي وكملت الشهر التاسع وزدت اربعه ايام وفي يوم من الايام .... كان يوم الثلاثاء شسمه ابو الشباب تحمس شويات وقمت اخذت لي شور ونمت المهم الا كل شوي احس مويه تنزل علي واحسها دافيه ماعمري جربت ان المويه تنزل وانا بالبيت وعجبني الدفا واكمل نوم للصباح مع طلقات متبااااااااعده جدا تجي تدلعني شويات وتروح ولاعاد ترجع الا بعد كم ساعه المهم لما جا الصباح لقيت الدنيا مليانه قمت قلت لزوجي لازم نروح المستشفى واساسا دكتورتي اللي اراجع عندها قالت لي المويه قلت على البيبي في اخر زيارة وطنشت ... المهم دقيت على زوجي بالعمل وقلت يلا قو تو هسبتل |>>> يعني نروح المستشفى مسويه تعرف انقليزي خخخ وجا طيران ولما شافني انصدم تدرون من ايش ؟؟؟؟ لاني كاشخه ولابسه تقولون بروح زيارة مو مستشفى هههه رايقه على الصبح شبعانه نوم من الليلة الدافية اللي كنت فيها ولاعندي طلق ..... ورحنا المستشفى ولما وصلت كان فيه دكتورة باكستنيه منتهى الذوق والاخلاق والرقه الله يسعدها وكشفت عليا وقالت الرحم واحد سانتي طبعا انا جاتني الصدمة الاولى وشوي تقول فيه مويه نازله كثير لازم تنويم وانا تجيني الصدمة الثانية ولازالت روحي رياضيه واضحك واكلمهم انقلش وقلبتها سوالف مع الممرضات السعوديات ... المهم طلعوني التنويم وركبو لي جهاز الطلق والنبض وجلست ادعي واستغفر واقرا الاذكار وادعية تسهيل الولادة المهم ماجاني الا طلق خفيف جدا ولما جا اخر الليل زادت الطلقات بس برضو دلوعه الطلقات اللي جاتني وفرحت واكلم امي اقولها امي ابشرك بولد طبيعي ان شاء الله الطلق صار قوي وكل ثلث ساعه واقفل وادعي وامشي في الاسياب ونمت بعدها وراح الطلق وادور منيه مناك مافيه شكله راح الغرفه اللي جمبي قال ذي نايمه ههههه المهم لما جات الساعه عشر الصباح مروا الدكاتره ودخلو علي وكانو ثلاثه استشاريين وشافو ملفي وقال الدكتور ممكن اكشف قلت تفضل وانا مبسوطة وعلى فكرة بنات الكشف مايعور الا شي لايذكر انا بصراحه ماحسيت لاني ما اخاف وارخي نفسي ... نعود لمحور حديثنا يوم كشف الدكتور قال مو شايف مويه نازله والرحم واحد سانتي هنا كانت الصدمة الثالثة ويسون لي سونار ويقولن مافيه مويه حول الجنين وخافوا على النبض واسمعهم يتكلمون مع بعض بالانقليزي وقالو لازم ننهي هذا الحالة باسرع وقت انا وقتها انجنيت وسكت ماقلت شي قلت انتظر وش بيقولون وجلس الدكتور يشرح حالتي انو المويه قلت مره على الجنين والرحم واحد سانتي من فجر اليوم اللي قبله ماتغير ولازم نولدك باسرع وقت ومابنقدر نعطيك طلق صناعي لان عندك عملية من اول ماراح نغامر بصحتك .... قلت لازم عملية قال افضل لك وللبيبي قلت توكلت على الله انتوا ادرا بحالتي و راحوا من هنا وانا غرقت في دموعي من هنا وابكي بكا مو صاحي مدري ليه يمكن عشان كنت مهيئة نفسي بنسبة 90 % اولد طبيعي ... المهم قمت توضيت وصليت استخاره واستودعت الله نفسي واللي في بطني واولادي وزوجي وبعدها الحمد لله ارتحت ووقفت بكا .... اتصلت على امي وقلت لها وهي بمنطقة ثانية و اتصلت على زوجي لانو رجع دوامه قلت بيسون لي عملية تعال قال متى قلت بعد الظهر يمكن الساعه 2 وكانت الساعه 11 تقريبا من صباح الخميس ... وقالو الدكتاره لاتاكلين ولا تشربين وارسلو طبيب التخدير سالني كم سؤال وبعدها جاني طبيب صدريه لان كان عندي انفلونزا وكحه شديدة من ايام الحمل وبدؤا يجهزوني للعملية انا خفت قلت مو الساعه 2 قالو لا الحين على الساعه 12 المهم لبسوني وجهزوني ولما حطوني على السرير عشان يودوني غرفة العمليات رجعت حالت البكا وقمت انتفض من الخوف والممرضه سعوديه الله يجزاها خير تهديني وتطمني وتقول ترا اليوم حظك افضل دكاتره بالمستشفى كلهم موجودين ولما دخلت غرفة العمليات بدا الجد وقلت لطبيب التخدير ابغى بنج نصفي قال حالتك ماتسمح لازم بنج كامل وانا ميته خوف وانتفض الا اطير من السرير وارجع وخلاص مافكرت في شي الا عيالي كل الافكار احت من بالي وادعي واقرا الاذكار واتشهد وبعدها ماتكلمت وحطوا الكمامه على وجهي ودقوني ابره وبعدها تخدرت ولا ادري عن شي لين صحيت على اصوات الدكاتره في غرفة العمليات يقولون الحمد لله على السلامة وانا من داخلي فرحانه لاني عدت للحياة من جديد الحمد لله وكانت الساعه 1 وثمانية وخمسين دقيقة من يوم الخميس 20 -11 تقريبا بس مو قادره افتح عيوني وتعبانه وجسمي ثقيل ... وحطوني بالعناية لمدة اربع وعشرين ساعه ومايحتاج اقول التعب اللي بعد العملية ( بحذف هذا الجزء مراعاة لمشاعر الاخوات البكريات واللي يخافون خخخ) وجات امي وعمتي ام زوجي ..... امي من المطار على المستشفى على طول ... وزوجي كل هذا الوقت ماشفته حزنت كثير رغم اني كنت نص واعية لانه راح يجيب امي من المطار ولما وصلو خلصت الزيارة ومارضو يدخلونه لان المستشفى حكومي واهم شي شفت امي الله يخليها لي وطلعوني التنويم اليوم الثاني وشفت حمودي رحت له الحضانه واخذته وقاعده اصوره واصور النونات عشان اقارن خخخخ فاضيه ورايقه بعدين الممرضه قالت خلاص خذوه والحمد لله جبت بالسلامة احلى حمودي الله يخليه لي ويصلحه ويجعله قرت عين لي ولابوه. :04: وليه كتبت بالعنوان المريحه المتعبه لانو ماحسيت بالطلق ودخلت وانا رايقه المستشفى ومتعبه بعد العملية بس مو شي لاتخافون اسبوع وبعدها الحمدلله خفت الالام كثير .
والله يرزق كل محرومه الذرية الصالحه ويسهل على كل الحوامل ولادتهم ويرزقهم الذرية الصالحه
** وايت فلور ** @oayt_flor_1
عضوة فعالة
يلزم عليك تسجيل الدخول أولًا لكتابة تعليق.
nusaibaaa
•
الف الحمدلله على سلامتك وسلامة البيبي ولله يباركلكم فيه ويجعله من الصالحين اللهم امين
ديما111
•
مبروووووووووك والحمدلله ع سلامتك
وعقبالي باول التاسع بولاده طبيعيه سهله ميسره وكل الحوااامل
وعقبالي باول التاسع بولاده طبيعيه سهله ميسره وكل الحوااامل
الصفحة الأخيرة