اكلاتك بالنفاس سمي بالله وادخلي اكتبيها هنا..

كل اللي بنزله منقول من المفضله وجزاها الله خير صاحبة الموضوع وادعووووولي الله يسهل علي ويقويني ويقومني بالسلامه
الاسبوع الاول من النفاس



لازم تلبسين بيجامة دافية داخلية ومعاه شراريب .. انا شريت شورتات ضاغطه ولبستها تحت الروب

واذا جاووني ضيوف البس شيلة ملونة نفس لون الروب

حاولي تشترين ستيانات رضاعه كثيرة ومقاسات اكبر من مقاسك بمرتين

الفطور 7الصباح


بيضتين مسلوقتين + كأس حليب بحلبة محلى بالعسل أو سكر





اطحنيها وحطيها بعلبة وحطي ملعقة كبيرة بالحليب




الساعة 9 الصبح






تآكلين اللهوم وهو اهم شي في برنامج نفاسي ينظف الرحم ويطرد الاوساخ ويرجع الرحم لوضعه الطبيعي وبنفس الوقت يدر الحليب



مكوناته

( رشاد + ربع كوب حلبة مطحونه + ربع كوب حبة سودا مطحونه




خذي ملعقة كبيرة مع كأس برتقال فرش
لازم ضروري

لان عصير البرتقال ، يمشي بطنك ويعطيك نضارة في الوجه لان وقت ماتولد الوحده يجيها امساك

والامساك مو زين للي والدين طبيعي يسوي بواسير



الساعة 10 صباحا

آكل عصيدة تمر + شوربة رشاد احنا نسميها (حسو)


طبعا حبيت انوه انو تنامون بين فترات الاكل لان النوم مهم جدا جدا لان السهر مع البيبي والرضاعة المتقطعه كل وقت تهلك الوحده
الله يكون بعونا جميعا



الساعة 4 عصرا

كانت ماما تسوي لي شاي بالقرفة + معجنات بيتزا وسميوسة لحم


او

دلة قهوة فيها مسمار لان المسمار ينظف الرحم

مع تمر + القيمات بدبس





اهم شي الاكل وقت النفاس لان الجوع يخرب الوحده



الساعة 8 وقت العشى

رز حساوي مع خضروات ولحم (اهل الخليج يسمونه مفلق) ونحط معاه حلبة مره لذيذة هالاكلة ومقوية للجسم


وتمشي البطن لان الرز الحساوي نخاله






+ شوربة كويكر بالطماطم





+ عصير موز وفراولة بالحليب


+ تبولة


طبعا انا عندي ثلاجة صغيرة بغرفة نومي وامي وابوي الله يحفظهم معبينها لي حليب بالشوكولاته وحليب السعودية وحليب بالفراولة


وزبادي انواع واشكال






عشان كل ما عطشت ولا جعت اشرب


لان الوحدة بعد الولادة تفقد سوائل كثيرة وحتى مع الرضاعة الطبيعية تحسين بعطش

ودايم خلي عند راسك جيك موية معتدل الحرارة عشان تشربين منه




وبما انك نفاس لا تفكرين راح تنامين بعد العشى وماتصحين الا 7 على الفطور


لا يا عيني راح تاكلين غصب ولا بيجيك ضرب مثلي من امي

كنت افضل النوم على الاكل


بما انا كانت ولادتي برمضان فا الساعة 12 بالليل


امي تسوي لي ثريد يمممي هالاكلة اموت فيها

وهي تتكون من خبز رقاق مع مرقة خضار باللحم






+


كوب لبن

+ تمر بالسمسم










وبعدها عاد الوالده الله يعطيها الف عافية تستأذن تروح تنام لان تكون دايخة رمضان ونفاس يا عيني..


هذا النظام حبيبات قلبي تستمرون عليه اسبوع اوكي


وممكن تسوون تغيرات من ناحية الغدا والعشى اما الباقي خلوه زي ماهو

يعني تسوون كبسه لحم - كبسة دجاج- برياني روبيان





هريس



جريش






سليق

رز ابيض مع سمك مقلي


ابتعدو عن الخرابيط اكل ايطالي ولا صيني ولا همبرجر وهوت دوق والله ان يخرب الوحده


ويخلي جسمها خاوي وعظامها هشه

وقلبها كله يدق من فقر الدم



لأن انتي يبي لك قوة وكالسيوم عشان ترجعين بصحتك لبيتك وزوجك وتقومين في بنتك وعشان لا حملتي مره ثانية يكون عودك قوي






وفي نقطة نسيتها


لا تنسين فيتاميناتك اهم شي

الحديد والكالسيوم تاكلينها لمدة شهرين



طريقة عصيدة التمر وفوائدها تقوي الظهر من بعد الطلق وتسمن الجسم تعطيه قوة






طريقة الحسو تحطين موية تخلينها تغلي وتحطين المقدار اللي تبينه من الحسو امي تسوي قدر كبير مره يكفي ل 3 ايام وتحطه بالفريزر


وتحطين فلفل اسود وكمون و4 حيات ليمون اسود بس بدون ما تشقينهم عشان مايطلع الطعم مر

وع جنب تقلين بيضة
واذا استوى الحسو تحطين البيضة فوقه وتحركينه بالملعقة
وبالعافية ترى طعمه مره لذيذ وفؤائده كثيرة
يرجع الرحم لوضعه الطبيعي ويشد المنطفة وينطف الرحم من الاوساخ ويدفي البطن
وهذا شكل الحسو
بس انا معاه بيض ولومي اسود

انا وحده عملت لي بنفاسي تمر مخلوط بسمن ورشاد وحلاوه طحينيه

باقي الاكل عادي الموجود لنو كان نفسي مقفوله عن الاكل مرة

يارب المرة ذي تسير النفسيه غير

الله يعطيكن العافيه ع المشاركه .. وجزاكن الله خير ..

عصيدة التمر ..
الطريقة مع الصور

اول شي جبت تمر خلاص كيلو وطبخته بماء حار حتى ذاب




وصفيته بصافيه حتى نزل الماء والتمر وصار الماء شوي ثقيل

ثم حطيته في قدر ولعت عليه النار هادئه



وبعد ذلك نبدء بوضع الدقيق برخالص منخول اضع ملئ ملعقة الشوربه

واحرك بسرعه علشان مايتكتل الدقيق واضيف الباقي بالتدريج

واحرك جيدآ شوفي الدقيق كيف احركه
اخلطه واقلبه كثير لمدة ربع ساعه
ثم اضع نص اصبع زبده واغطي القدر والنار هاديه لمدة ساعه 1ونص

لاتقولون كثيرساعه 1ونص والله الطعم خيال شوفن الصور النهائيه



منقوووول

موضوووع رووعه ان شاء الله يفيدونا البنات ،،
فووووووووق
،
،
،
،
،
،