اكمل لكم قصه حياتي من ٤٠ سنه

طبعا تكلمت عن الي اسمها امي وعارفات الوضع
انا حاليا شخصيه مهزوزه مهزوزه
تعبانه نفسيا اتاثر في الناس بسرعه
لو ثنين يتكلمو بصوت واطي احس الكلام موجه لي
طبعا اول وانا صغيره لاكن متزوجه الناس كلها مانقرب ل بيتي ابد كان فيني مرض
وتاقلمت مع وظعي م اطلع جالسه فيه تقريبا من زواجي ٨سنوات وانا ماكلم احد والله والله والله على مااقول شهيد
لين تركت بيتي لانه اجار وسكنت بيت نفسه اجار لاكن الله يسعدها ويرزقها جارتي
جتني مرتين وعزمتني اول مره وجيتها وكل يومين تناديني عندها فرحت فرحه محد يتخيلها وسوت بعد شهر عزومه كبيره وجمعت فيها الحي كله تعرفو علي وعزموني وربي رفع مكانتي عندهم صار لي قيمه انا شخصيه ضحوك سبحان الله رغم الحزن اللي في قلبي
اضحك امزح هاذي حياتي عند الناس
واشكر ربي حطي لي قيمه وقالو البنت ماتطلع لاامها كذب ويمدحوني كثير
لاكن المشكله انا مهزوزه اخاف احد يتكلم من وراي وقدامي يمدح فيني
لو عزمت وحده مرتين ماجتني اقول اي علشان امي مااجوني
انا حاطه بنفسي اني مااصلح
واذا طلعت وشفت رجال جاراتي اخاف مقدر امشي واتغطاء واربك واشككهم فيني وانا كل مقصدي مابي يقولون مثل امهااه يالحزن في قلبي اه يالهم اللي فيني اه يالضيقه اللي بصدري
ماعندي ثقه بنفسي عكس اختي عادي واثقه بنفسها
انا اخاف من النقد
اخاف من كل شي
انا اتالم اتالم من داخي
اكتب لكم وانا تعبانه اليوم
ادري بتقولون تبالغ لاكن هاذا اللي طلع معي نفسي اكون شخصيه مو حزينه من الداخل امشي اي وقت واطلع اي وقت
حتى اولادي اذا بروح معهم اي مكان بسياره خايفه وارتبك وولدي الكبير مثلي سبحان الله خايف ومرتبك وتعبان مني وعندي ولد ثاني يقولي امي ليه انتي كذا بس خايفه من الناس
الله يخليكم ادعولي ادعولي اعيش مرتاحه بدون الشعور في الذنب من الناس اخاف من نظراتهم واذا جلست عندهم اتكلم على امي علشان يدرون انا مو مثلها
ادعولي اعيش واثقه من نفسي
اه يارب اذا الموت راحه لي ريحني